Mınıstrdiń aıtýynsha, bul ınvestısııalar naqty nátıje bere bastaǵan. Sońǵy eki jylda tirkelgen baılanys abonentteriniń sany 19%-ǵa, al mobıldi baılanys paıdalanýshylarynyń sany 12%-ǵa artqan.
Sonymen qatar mobıldi ınternettiń ortasha jyldamdyǵy 75%-ǵa ósse, ınternet-trafık kólemi 67%-ǵa kóbeıgen.
«Biz barlyq baǵyt boıynsha aıtarlyqtaı ósimdi baıqap otyrmyz. Internet trafıgi, jyldamdyq jáne abonentter sany turaqty túrde artyp keledi», dedi mınıstr Májilis otyrysynda.
Avtoqońyraý men sheteldik nómirler arqyly jasalatyn shabýyldarǵa qashan tosqaýyl qoıylady?
Onyń sózinshe, bul kórsetkishter bazalyq stansııalar ınfraqurylymyn keńeıtý esebinen qamtamasyz etilip otyr. Qazirgi ýaqytta elde eskirgen 3G tehnologııasynan kezeń-kezeńimen bas tartý jumystary jalǵasyp jatyr.
Búginde tek 3G baılanysymen qamtylǵan aýyldar sany bes eseden astam qysqaryp, shamamen 550 eldi mekendi quraıdy. Bul jelilerdi 4G standartyna jańǵyrtý arqyly júzege asyrylady. Sonymen qatar 5G bazalyq stansııalaryn salý jumystary qarqyndy júrgizilip jatyr.
Smartfonyńyzdy bógde adamǵa berýge bolmaıdy: Qazaqstanda jańa tyıym engizilmek
Vedomstvo málimetinshe, aldaǵy eki jylda 3,5 myńnan astam aýyl joǵary jyldamdyqtaǵy ınternetpen qamtylady. Sonyń nátıjesinde aýyldardy optıkalyq ınternetpen qamtý deńgeıi qazirgi 43%-dan 92%-ǵa deıin ósedi.
Sondaı-aq bıyl respýblıkalyq mańyzy bar avtojoldardy mobıldi ınternetpen qamtý, al kelesi jyly negizgi oblystyq trassalarda ınternet jelisin iske qosý josparlanyp otyr.
Nurbolat AMANBEK
