Serik Jumanǵarınniń aıtýynsha, eger bul kólem óndirilgende, tórt aıdaǵy IJО́-niń ósimi 3,6% emes, 6%-dan joǵary bolar edi.
«Osy tórt aıda biz shamamen 5 mln tonna munaı óndire almadyq. Eger osy qosymsha munaı ekonomıkaǵa quıylǵanda, ósim 6 paıyzdan asyp keter edi», dedi ol.
Sonymen qatar vıse-premer Qazaqstan ekonomıkasy munaı sektorynsyz da ósim kórsete alatynyn atap ótti. Onyń aıtýynsha, óńdeý ónerkásibi shamamen 10%-ǵa ósse, qurylys pen saýda salalary da qarqyndy damyp keledi.
Serik Jumanǵarın kásipkerlik sýbektileriniń jabylýyna qatysty statıstıkaǵa alańdamaýǵa shaqyrdy. Onyń málimetinshe, jabylǵan 99 myń kásipkerlik sýbektisi is júzinde eshqandaı qyzmet júrgizbegen. Al taǵy 13 myń sýbektiniń qosymsha kompanııalary bolǵandyqtan, olar jumysyn jalǵastyryp jatyr.
Aıta keteıik, qańtar aıynda Teńiz ken ornynda bolǵan apattyq jaǵdaı jáne Kaspıı qubyr konsorsıýmy jumysyna baılanysty qıyndyqtar Qazaqstannyń munaı óndirý josparyna áser etti. Sonyń nátıjesinde 2026 jylǵa arnalǵan munaı óndirý kólemi 100,5 mln tonnadan 96-98 mln tonnaǵa deıin tómendegen bolatyn.
Nurbolat AMANBEK
