Keńes ókimetiniń kezinde Talas aýdanyna qarasty «Oıyq» keńsharynyń esep-qısap bóliminde Jádikbaı Izbasov degen aǵamyz qyzmet etken bolatyn. Aýylda Jádikbaı atty eki adam bolǵan soń jurt ony «Qara Jádikbaı» deıtin. Alyp deneli, biraq bala minezdi sol kókemizdiń aýzynan shyqqan ýytty sózderdi aýyl turǵyndary júrgen jerlerinde bir-birine qaıtalap aıtyp, qyran-topan kúlkige qaryq bop jatatyn...
Keńes ókimetiniń kezinde Talas aýdanyna qarasty «Oıyq» keńsharynyń esep-qısap bóliminde Jádikbaı Izbasov degen aǵamyz qyzmet etken bolatyn. Aýylda Jádikbaı atty eki adam bolǵan soń jurt ony «Qara Jádikbaı» deıtin. Alyp deneli, biraq bala minezdi sol kókemizdiń aýzynan shyqqan ýytty sózderdi aýyl turǵyndary júrgen jerlerinde bir-birine qaıtalap aıtyp, qyran-topan kúlkige qaryq bop jatatyn...
«EMShEKTEN ShYǴARǴAN BALADAIJYLAP-JYLAP BIZ DE QOIаMYZ DA»
Keńes ókimetiniń kezinde Mıhaıl Gorbachevtiń maskúnemdikpen kúres jónindegi atyshýly qaýlysy shyǵyp, araqtyń baǵasy kúrt qymbattap, onymen qoımaı «ashy sýdyń» satylýyna da tosqaýyl qoıylǵan kezde bir qurdasy Jádikbaı kókeme kelip:
– Oý, Jáke-aý, araqty qymbattatqanymen qoımaı, ony dúkenniń sóresinen alyp tastaǵany qıyn boldy ǵoı. Endi qaıtemiz? – deıdi ýaıymdap.
Sonda Jádikbaı kókem aýzyn toltyryp, asyqpaı sóıleıtin ádetimen:
– E-e, qaıtýshy ek, emshekten shyǵarǵan baladaı biz de bir-eki apta «jylap, jylap» qoıatyn shyǵarmyz, – degen eken túk bolmaǵandaı.
«QARA SÝDY QAITA-QAITA IShKEN ADAMDAI«KО́KQARYN» BOLATYN BOLYPPYZ ǴOI...»
Jańalyqty jurttyń bárinen buryn estıtin álgi qurdasy arada biraz ýaqyt ótkennen keıin Jádikbaı kókeme taǵy da jetip kelip:
– Oý, Jáke, araqtyń baǵasyn arzandatyp saýdaǵa qaıtadan shyǵaratyn bolypty. Biraq burynǵy «aqańdaı» emes, onyń kúshi bar bolǵany 30-aq gradýs eken, – deıdi.
Sonda aqyryp turǵan «aqańnyń» bir bótelkesin tartyp jiberse de myńq demeı júre beretin alyp kókem:
– A-a, ne deıt?!. Onda qara sýdy qaıta-qaıta ishe bergen adamdaı «kókqaryn» bolatyn bolyppyz ǵoı, – degen eken kádimgideı qaıǵyryp.
Kósemáli SÁTTIBAIULY,
«Egemen Qazaqstan».
Jambyl oblysy.
