Ekonomıka • 25 Aqpan, 2021

Memleket bergen qarjyǵa bıznes bastap ketýge bola ma?

13 ret kórsetildi

Elimizde bıznes bastaýǵa yntalandyratyn kóptegen memlekettik baǵdarlamalar men granttar bar ekeni belgili. Adamdar osy jaıly estip, aıtyp júrgenimen, shynaıy iske kelgende kúmándanyp ta jatady. Almaty qalalyq kásipkerler palatasynyń basshysy Aıtýar Qoshmambetovtyń aıtýynsha, memleket grantyn alyp, jeke kásip bastaýǵa múmkindik mol.

– Eger taýar satsańyz, taýar qaıdan keledi, ony qalaı qabyldaý, rásimdeý, satý, qaıda saqtaý qajettigin bilýi kerek. Osy prosesterdiń bárin ıgerip, barlyq suraqtardyń jaýabyn bilgen soń, qyzmetińizdi bólip, kásibı mamandardy jaldaı alasyz, – deıdi Aıtýar Qoshmambetov.

Palata basshysynyń sózinshe, árbir baǵyt boıynsha naqty oqý kýrstary bar. Máselen, kásipker SMM nemese býhgalterlik eseptilikti bilse, Atameken Academy portalynan oqýǵa qatysýǵa bolady.

– Budan bólek, «Bastaý Bıznes» arnaıy baǵdarlamasy bar. Úsh apta boıy tyńdaýshy kásipkerlik negizderin oqıdy, sodan keıin 200 AEK kóleminde grant nemese jyldyq 6 paıyzben nesıe alýǵa múmkindigi bolady. Sonymen qatar 5 mln teńgege deıin ınnovasııalyq grant alýǵa da múmkindik berilgen, – deıdi.

2020 jyly «Bastaý Bıznes» boıynsha Almatyda 2000 adamdy oqytý josparlanyp otyr. Sonymen qatar quny 200 AEK (583 myń teńge) bolatyn 1000 grant qarastyrylǵan. Bul jobaǵa qatysyp, kásipkerlik negizin ıgergisi kelgen kez-kelgen azamat jeke kýáligin alyp jumyspen qamtý ortalyǵyna barýy shart. 

Qalalyq jumyspen qamtý ortalyǵynyń dırektory Dılıara Imanqulovanyń aıtýynsha, 2020 jyly shaharda 34 855 adam jumysqa turǵan. Onyń 10 myńnan astamy «Jumyspen qamtýdyń jol kartasy – 2020» arqyly kásip tapqan. Imanqulova IT salasynda suranystyń artyp kele jatqanyn aıtady. 2021 jyly 20 myńnan astam adamdy jumysqa ornalastyrý josparlanyp otyr.

 

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar