Prezıdent • 25 Aqpan, 2021

Prezıdent birqatar memlekettiń elshisinen senim gramotalaryn qabyldady

25 ret kórsetildi

Aqorda rezıdensııasynda úsh memlekettiń qaıta taǵaıyndalǵan tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy Egemen.kz Aqordanyń baspasóz qyzmetine silteme jasap.

Senim gramotalaryn Latvııa Respýblıkasynyń elshisi Irına Mangýle, Túrikmenstan elshisi Batyr Redjepov jáne Taıland Koroldiginiń elshisi Chatchavan Sakornsın tabystady.

Qasym-Jomart Toqaev elshilerdi Qazaqstandaǵy dıplomatııalyq mıssııanyń resmı túrde bastalýymen quttyqtap, olardyń mol tájirıbesi men kásibı biliktiligi dostas halyqtardyń ártúrli salalar boıynsha jaqyndasa túsýine yqpal etedi dep senetinin jetkizdi. Memleket basshysy Prezıdent Ákimshiligi men Úkimet tarapynan elshilerdiń ıgilikti mıssııasyn oryndaýǵa tolyq qoldaý ári kómek kórsetiletinin aıtty.

Qasym-Jomart Toqaev Irına Mangýlemen áńgimelesý barysynda Qazaqstan Latvııa Respýblıkasymen aradaǵy ejelden berik dostyqqa, tereń tarıhı baılanystarǵa jáne múddelerge negizdelgen qarym-qatynastardy joǵary baǵalaıtynyn atap ótti.  Memleket basshysy eki el arasyndaǵy ekijaqty baılanystardyń jyldam damyp kele jatqanyn aıtyp, Saýda-ekonomıkalyq yntymaqtastyq jónindegi úkimetaralyq komıssııanyń jumysyna erekshe toqtaldy.

– Qazaqstan Latvııamen kóp josparly yntymaqtastyqty, atap aıtqanda, kólik jáne logıstıka, energetıka, jańartylatyn energııa kózderi, jańa tehnologııalar salalary boıynsha yqpaldastyqty odan ári keńeıtýge múddeli, – dedi Qazaqstan Prezıdenti.

Qasym-Jomart Toqaev Batyr Redjepovpen áńgimelesý kezinde Túrikmenstan yqylym zamannan beri Qazaqstannyń tatý kórshisi ári baýyrlas el ekenin atap ótip, Táýelsizdiktiń 30 jyly ishinde eki memleket te shynaıy strategııalyq áriptestik qatynas ornatqanyn aıtty. Memleket basshysy «Kaspıı bestigi», Araldy qutqarý jónindegi halyqaralyq qor jáne Ekonomıkalyq yntymaqtastyq uıymy aıasyndaǵy birlesken jumystardan zor úmit kútetinin jetkizdi. Bul rette, Memleket basshysy Túrikmenstan kóshbasshysy Gýrbangýly Berdimuhamedovtiń Kaspıı sammıtin Ashhabadta ótkizý jónindegi usynysyn qoldaıtynyn aıtty.

– Biz barlyq baǵyttar boıynsha ekijaqty kooperasııany ulǵaıtýǵa múddelimiz. Kúsh-jigerimizdi biriktire otyryp, jaqyn arada ekijaqty saýda aınalymyn aıtýly mejege deıin, ıaǵnı, 1 mıllıard dollarǵa jetkizýge múmkindigimiz bar, – dedi Qasym-Jomart Toqaev.

Prezıdent Taıland Koroldigimen ekijaqty qatynastar jaıynda aıta kelip, bul elmen ózara yqpaldastyq Qazaqstannyń Azııa baǵytyndaǵy syrtqy saıasatynyń ajyramas bóligi ekenin atap ótti.  Qasym-Jomart Toqaev ekijaqty jáne kópjaqty formattaǵy, onyń ishinde, Birikke Ulttar Uıymy men Azııadaǵy ózara is-qımyl jáne senim sharalary jónindegi keńes sheńberindegi baılanystardyń tabysty damyp kele jatqanyna nazar aýdardy.

– Biz pandemııadan keıingi kezeńde ekonomıkalyq jáne kommersııalyq baılanystarymyzdy nyǵaıtý maqsatynda Taıland Koroldiginiń Úkimetimen jáne taı kompanııalarymen yntymaqtastyq jasasýǵa múddelimiz, – dedi Memleket basshysy.

Saltanatty rásim sońynda Qasym-Jomart Toqaev Latvııa Prezıdenti Egıls Levıtske, Túrikmenstan Prezıdenti Gýrbangýly Berdimuhamedovke jáne Taıland Koroli Maha Vachıralongkornǵa júrekjardy sálemi men ıgi tilegin joldady.

Sheteldik elshiler Prezıdentke óz elderi men Qazaqstan arasyndaǵy yntymaqtastyqty odan ári nyǵaıtýǵa bar kúsh-jigerin jumyldyratyndaryn aıtty.

Sońǵy jańalyqtar

Aldaǵy apta kún jylynady

Aýa raıy • Búgin, 12:57

Kósh basynda – «Manchester Sıtı»

Fýtbol • Búgin, 12:21

Súıispenshilik sabaǵy

Aımaqtar • Búgin, 12:15

Almatyda aıaldamadan náreste tabyldy

Qoǵam • Búgin, 11:34

It asyraýdyń da óz erejesi bar

Qoǵam • Búgin, 11:00

Elordada kún jylyna bastaıdy

Aımaqtar • Búgin, 10:57

Túrmege kitap syılady

Aımaqtar • Búgin, 10:10

Jetisý dıqandary jer ıgerip jatyr

Aımaqtar • Búgin, 10:07

Qostanaıda aýa sapasy nasharlaıdy

Aýa raıy • Búgin, 09:05

Jaqsynyń aty ólmeıdi...

Rýhanııat • Búgin, 08:31

Otandyq vaksınany qoldaný josparda bar

Medısına • Búgin, 08:20

Teńdik túbi – birlik

Elbasy • Búgin, 08:03

Aıaq kıimdi sıfrly tańbalaý engiziledi

Tehnologııa • Búgin, 07:49

Jeke kýáliktiń qajeti bolmaıdy

Saıasat • Búgin, 07:47

Kólik quralynyń elektrondy pasporty

Tehnologııa • Búgin, 07:45

Taldynyń mańyn tazartty

Rýhanııat • Búgin, 07:38

Jol ústindegi muztaý

Oqıǵa • Búgin, 07:34

Taldyqudyq neden taryqty?

Aımaqtar • Búgin, 07:33

Qaı eldiń sardarlaryn daıarlap júrmiz?

Aımaqtar • Búgin, 07:30

Qubyrdaǵy sýdyń sapasy qandaı?

Qoǵam • Búgin, 07:28

Jahandaný jaıy ózekti

Qoǵam • Búgin, 07:24

Qoǵamdyq kóliktegi qordalanǵan másele

Aımaqtar • Búgin, 07:24

Elektrondy saýda eksportty arttyra ala ma?

Ekonomıka • Búgin, 07:15

Halyqaralyq sharttar qaraldy

Parlament • Búgin, 07:14

Uqsas jańalyqtar