Qoǵam • 26 Aqpan, 2021

Eriktilerdiń eleýli isi

6 ret kórsetildi

Tórt qubylaǵa tegis sharapat shýaǵyn shashatyn izgi istiń biri – qaıyrymdylyq marafony. Aqmola óńirinde bul sharýa myqtap qolǵa alynýda. Prezıdent Qasym-Jomart Toqaev volonterlik qyzmettiń memlekettiń aldyna qoıǵan maqsattarymen úndestigin aıta kelip, bul rýhty kóteretin, halyqtyń muń-muqtajyn bólisetin qozǵalys ekendigin atap ótken bolatyn.

Shynynda da solaı, ózderiniń az da bolsa septigi tıgenine mereılengen jastar ıgi bastamany ilip áketip, qomaqty úles qosýda. Qaıyrymdylyq sharalarynyń elge paıdaly bolǵany jaqsy bolsa, ekinshi jaǵynan sońǵy ýaqytta jastar tarapynan janashyrlyq jasaýǵa umtylys molaıyp kele jatqandyǵyn kórip, kóńil jadyraıdy. Eriktilerdiń eleýli isi – shyn máninde tálim-tárbıe beretin ónege.

Qaıyrymdy ister marafony eń basty jeti baǵyttan turady. Osyǵan oraı negizgi is-sharalar jospary túzildi. Marafonnyń basty maqsaty – barsha adamdardyń basyn biriktiretin qaıyrymdylyq qozǵalysyn damytý, adamdardy jaqsylyq jasaýǵa yntalandyrý. О́ńirde bul marafon «30 ıgi is» atty aksııamen bastaý aldy. Oblystyq jastar resýrstyq ortalyǵy eriktiler qoldaý ortalyǵymen birlese otyryp, oblys ortalyǵyndaǵy №1 arnaıy mektep-ınternatqa baryp, bilim oshaǵynyń aýlasyn qardan tazartyp berdi. Izgi isten qulaqtanǵan izetti jastar bastamany qoldap, jaqsylyq jasaýǵa jumyla tústi. Sóıtip, erikti jastardyń arqasynda 50-den astam jalǵyzilikti, múmkindigi shekteýli adamdardyń aýlalary qardan tazaryp qaldy. Qar basqan qala kósheleri de jastardyń jigerimen tazalanyp, aıaqjoldar aq qardan arshylyp, jaıaý júrginshilerge qolaıly jaǵdaı týǵyzyldy.

Qazir jastar jasaǵan kómek-jár­demd­erin bir-birine aıtatyn boldy. Maq­tanysh úshin emes, qurbylaryn qatarǵa tartý úshin. Nesi bar, jaqsylyqtyń ju­ǵysty bolǵany ǵajap emes pe?!

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar