Kórshi óńirdiń kómegi

Jastardyń janyn jadyratqan baǵaly syılyqqa bilim berý grantynyń jalpy konkýrsy boıynsha joǵary oqý ornyna túsken stýdentter laıyq dep tanyldy. Bul aradaǵy bas­ty maqsat – bilimdi jastarǵa qoldaý kór­setý. Ekinshi bir qyry – jastar arasynda adam­gershilik qasıetterdi nasıhattap, aıryq­­sha mándi mańyzyn uǵyndyrý. Zaýyt ókil­­deriniń aıtýlaryna qaraǵanda, mundaı is-sharalar ótkizý berik dástúrge aınalǵan eken. Osy bir qaıyrymdylyqqa negizdelgen qadam arqyly áleýmettik máselelerdi sheshý bary­­synda belsendilik tanytyp, ózgege ónege bolýda.

– Bar jaqsylyq ósemin degen, bilim alamyn degen jastarǵa jasalýy kerek, – deıdi zaýyt dırektorynyń orynbasary Qaırat Áli­bekov. – Buǵan deıin tórt oblysta áleý­met­­tik jaǵynan az qamtamasyz etilgen otba­sy­larǵa árqıly planshetter men noýtbýkter satyp áperdik. Aldaǵy ýaqytta Aýǵan soǵy­­sy ardagerleriniń otbasylaryna kómek kórset­­pekshimiz.

Baǵaly syılyqqa ıe bolǵan stýdentter máz-meıram. Jaman indet jaılaǵaly qa­shyq­­tan oqý júıesine aýysqan olar «bul jab­dyq­tar biz­ge ábden qajet edi» deıdi.

– Sońǵy úlgidegi tehnıkalardy bilim alý jolynda paıdalanamyz, – deıdi ýnıver­sıtet stýdenti Vera Nýrysheva. – Kórshi ob­lys­taǵy qaıyrymdy jandardyń kómegin il­tı­patpen aıta júretin bolamyz. Osyndaı ýa­qyt­ta aq­jarqyn aǵalardyń, el bolashaǵyn oı­laı­tyn aza­mattardyń janashyrlyq ja­saǵany qandaı jaqsy.

Kórshi óńirdiń kómek qolyn sozýy – qup­tar­­lyq is. Kórshisi jaqsynyń kóshi irkil­meıdi.

KО́KShETAÝ