Denesin dert dendegen talaılardyń arman otyn qaıta mazdatqan kásibı sheberdiń ómir ótkelderine toqtalǵanda, oıymyzǵa eń aldymen búkil jan dúnıesimen dáriger edi degen sóz oralady. О́ziniń dárigerlik qyzmetinde I.I.Lı 7 myńǵa jýyq hırýrgııalyq, ýrologııalyq jáne onkologııalyq profıldegi operasııa jasaǵan. Olardyń qatarynda qursaq qýysy organdaryna jasalǵan jáne ýrologııalyq plastıkalyq kúrdeli operasııalardy ataýǵa bolady. Dárigerdiń óz salasy boıynsha 2 patenti, birneshe ǵylymı eńbegi bar. Maıtalman maman búkil adamzat basyna kelgen COVID-19 tájtajalymen kúreste aldyńǵy shepte júrdi, alaıda ózi de onyń quryǵynan qutyla almady. 60 jasqa qaraǵan shyǵynda ómirden ótken onyń júrip ótken dara joly halyq jadynda máńgi qaldy.
О́mir belesterine kóz jibersek, ol óz isiniń naǵyz sheberine aınalý úshin qyzmettik joldyń barlyq satysynan ótkenin kóremiz. Ivan Ivanovıch 1960 jyly 26 aqpanda Qaraǵandy qalasynda dúnıege kelgen. 1977 jyly orta mektepti Altyn medalmen aıaqtaǵannan keıin Qaraǵandy memlekettik medısına ınstıtýtyn támamdaǵan. 1985 jyly Qaraǵandy qalasyndaǵy №4 qalalyq klınıkalyq aýrýhana bazasynda hırýrgııa boıynsha ınternatýrany, 1991 jyly Almaty memlekettik dárigerler bilimin jetildirý ınstıtýtynyń ýrologııa kafedrasynda ordınatýrany bitirgen. I.I.Lı jańa úlgidegi medısınalyq ádister jáne qurylǵylarmen jabdyqtalǵan emdeý-dıagnostıkalyq ortalyǵynyń damýyna ólsheýsiz úles qosqan jan. Ol 2003 jyly ýrolog-dáriger, 2010 jyly densaýlyq saqtaý isin uıymdastyrýshy-dáriger retinde joǵary biliktilik kategorııasyn aldy. Eki márte Almaty qalasy máslıhatynyń depýtaty bolyp saılandy.
Talantty hırýrgtyń densaýlyq saqtaý salasyna sińirgen eńbegi elenip «Parasat», «Qurmet», «Gıppokrat», «N.I. Pırogov» ordenderi, «Densaýlyq saqtaý isine qosqan úlesi úshin», «AVICENNA» merekelik Altyn juldyz, «Altyn dáriger» belgisimen, halyqaralyq «United Europe» syılyǵymen, sonymen qatar «Ulttyq medısınalyq assosıasııasyna 25 jyl», «Astanaǵa – 20 jyl», «Qazaqstan Respýblıkasy táýelsizdigine 20 jyl», «Armııa generaly S.Q.Nurmaǵambetov» medaldarymen marapattalǵan.
Kórmege I.I.Lıdiń mektep qabyrǵasyndaǵy kezi, sondaı-aq eńbek jolyna baılanysty 100-den asa jeke zattary, atap aıtqanda marapattary, fotosýretteri men kitaptary, oǵan tartý etilgen túrli kádesyılar qoıylǵan. Kórme 2021 jyldyń 26 naýryzyna deıin jalǵasady.
ALMATY
