Atalǵan týrnır qaterli indetke baılanysty elimizde jarııalanǵan tótenshe jaǵdaı kezinde óziniń qyzmettik mindetin laıyqty oryndap, azamattardyń tynyshtyǵy men qaýipsizdigin qamtamasyz etý jolynda qaza tapqan polısııa qyzmetkeri, III dárejeli «Aıbyn» ordeniniń ıegeri Dastan Maratjanuly Abdyqanovtyń erligin jas urpaqqa nasıhattaý jáne eske alý maqsatynda uıymdastyrylyp otyr.
Batyr esimin ulyqtaǵan ashyq birinshilik playok.com platformasynda shymyldyǵyn túrgen bolatyn. Dodaǵa elimizdiń túkpir-túkpirinen 247 sportshy qatysty. Jarystyń saıttaǵy nátıjesine sáıkes 1 men 5-oryn alǵan sportshylar demeýshiler taǵaıyndaǵan qarjylaı syıaqymen marapattaldy.
Zııatkerlerdiń sheberligin shyńdaǵan básekede qyzylordalyq Damır Ahmetov 1-oryndy jeńip alsa, aqtóbelik Medet Hýsaınov 2-orynǵa ıe boldy. Al júldeli 3-orynǵa pavlodarlyq Baýyrjan Abylaıhanov taban tiredi. Taǵy bir qyzylordalyq Birjan Eleýsinov 4-orynnan kórinse, úzdik bestikti aqtóbelik Gúljanat Aldabergenova túıindedi.
Táýelsizdik alǵan jyldardan beri bir ǵana Almatynyń ózinde 70-ten astam polısııa qyzmetkeri jumys babynda qaza taýypty. Olardyń eren erligi men antyna adaldyǵy urpaqqa úlgi bolyp qala bermek. Aýyr jeldiń ótinde júrip armanynan alystap qalǵan Dastan Abdyqanovtyń da esimi el esinde.
ALMATY
