Áýekompanııanyń málimetinshe, 2021 jyly 31 naýryzǵa deıin Túrkııa bıligi PTR-test anyqtamasyn talap etýdi qysqartýdy josparlap otyr eken. Alaıda osyǵan deıin bul anyqtama 1 naýryzdan bastap alynyp tastalady delingen.
«Túrkııanyń densaýlyq saqtaý mınıstrligi Túrkııaǵa keletin alty jastan asqan jolaýshylarǵa NegativeSARS-Cov-2 PCR anyqtama-testin talap etý merzimin 2021 jyldyń 31 naýryzyna deıin sozǵanyn habarlaımyz» delingen Turkish Airlines áýekompanııasynyń habarlamasynda.
Habarlamaǵa sáıkes, anyqtama qaǵaz kúıinde jáne elektrondy túrde bolýy múmkin. Al PTR-test tapsyrý merzimi ushýǵa deıin 72 saǵattan aspaýy tıis. Anyqtama bolmaǵan jaǵdaıda jolaýshylar áýejaıdyń ushý aýmaǵynan bortqa jiberilmeıdi. Alty jasqa deıingi balalarǵa, tranzıtti jáne transermen ushatyn jolaýshylarǵa anyqtama qajet emes.
Eske sala keteıik, Túrkııa qazaqstandyq týrıster úshin byltyr maýsymnan bastap ashyldy. Ystanbulǵa reıster Almatydan, Nur-Sultannan, Shymkentten, sondaı-aq 24 aqpannan bastap Túrkistannan oryndalady.
