Parlament • 27 Aqpan, 2021

Senatorlar EQYU Parlamenttik Assambleıasynyń sessııasyna qatysty

44 ret kórsetildi

Qazaqstan Respýblıkasy Parlamentiniń delegasııasy EQYU Parlamenttik Assambleıasynyń Qysqy otyrysyna qatysty. Atalǵan is-shara 24-26 aqpan kúnderi beınekonferensııa baılanysy arqyly ótkizildi. Senator Ǵumar Dúısembaev Assambleıanyń ekonomıka máseleleri, ǵylym, tehnologııa jáne qorshaǵan orta jónindegi jalpy komıtetiniń otyrysynda sóz sóıledi.

Depýtat óz sózinde tabıǵat ózgeristeri kezinde sý resýrstarynyń jaǵdaıy búkil álem elderi úshin kún tártibindegi asa mańyzdy másele ekenin atap ótti. Ol qazirgi tańda Qazaqstan transshekaralyq ózenderdiń sý resýrstaryn paıdalanýda aıtarlyqtaı máselelerge tap bolyp otyrǵanyn da jetkizdi. Sondaı-aq, Aral teńiziniń tartylýy Ortalyq Azııa elderinde turatyn 70 mıllıon adamnyń ómir súrý sapasyn men turmys jaǵdaıyna keri áserin tıgizýde.

«Ortalyq Azııa memleketteri halyqaralyq uıymdarmen birlesip, Aral basseınindegi ekologııalyq jáne áleýmettik-ekonomıkalyq daǵdarysty eńserý úshin áreket etýde. Aımaq elderi qurǵan Halyqaralyq Araldy qutqarý qory jumys isteıdi. Osy rette Araldy qalpyna keltirýge EQYU óz úlesin qosady dep senemiz jáne Uıymǵa múshe memleketterdi Halyqaralyq Araldy qutqarý qoryna kómek qolyn sozýǵa shaqyramyz. О́ıtkeni bul - tek Ortalyq Azııanyń ǵana emes, búkil álemdik qaýymdastyqtyń problemasy», dedi Ǵumar Dúısembaev.

Sonymen qatar sessııa aıasynda Demokratııa, adam quqyqtary jáne gýmanıtarlyq máseleler jónindegi jalpy komıtettiń otyrysy ótti. Oǵan Senat depýtattary Qaırat Qojamjarov pen Aqmaral Álnazarova qatysty.

Qaırat Qojamjarov bıylǵy 10 qańtarda Qazaqstanda ótken Parlament saılaýyna monıtorıng júrgizýge baıqaýshylar mıssııasyn jibergeni úshin EQYU Demokratııalyq ınstıtýttar jáne adam quqyqtary jónindegi bıýrosyna jáne Parlamenttik Assambleıasyna alǵys bildirdi. Sondaı-aq, ol saılaýdyń ashyq ári ádil ótkenin atap ótti.

«Saılaýǵa monıtorıng júrgizý jumysyna 398 halyqaralyq baıqaýshy qatysty. Onyń 323-i 10 halyqaralyq uıymnan, 76-sy 31 elden kelgen mamandar. Bıylǵy saılaýdyń negizgi ereksheligi retinde onyń partııalyq tizim boıynsha jáne jańa zańnamalyq jaǵdaıda ótkenin aıtýǵa bolady. Bıyl bizdiń parlamenttik tájirıbemizde alǵash ret partııalyq tizimge áıelder men 29 jasqa deıingi jastarǵa arnalǵan 30 paıyzdyq kvota engizildi. Mundaı bastama Parlament pen jergilikti ókildi organdardyń jumysynda áıelder men jastardyń belsendiligin arttyrý úshin qolǵa alynyp otyr», dedi Qaırat Qojamjarov.

Odan bólek, senator Qazaqstan Prezıdentiniń saıası partııalar úshin Parlament Májilisine ótýge múmkindik beretin shekti kórsetkishti jeti paıyzdan beske deıin tómendetý jóninde aıtqanyn jáne saılaý bıýlletenine «bárine qarsymyn» degen grafany qosý máselesin kótergenin tilge tıek etti.

 

Sońǵy jańalyqtar

Jambyl jastary Elbasy úndeýin qoldaıdy

Aımaqtar • Búgin, 09:07

Sportty serik etken

Sport • Búgin, 09:02

Sóresinde – san kitap

Ádebıet • Búgin, 09:00

Juldyzdy sátter jylnamasy

Elbasy • Búgin, 08:55

Damý dınamıkasynda oń serpin baıqalady

Ekonomıka • Búgin, 08:53

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar