Aımaqtar • 27 Aqpan, 2021

ShQO-da qarý saqtaý tártibin buzǵan 6 mekemege aıyppul salyndy

14 ret kórsetildi

Shyǵys Qazaqstan oblysynda polısııa qyzmetkerleri qarý saqtaý tártibin buzǵan 6 mekemeni anyqtady

ShQO Polısııa departamenti baspasóz qyzmetiniń málimetine súıensek, óńirde 22 aqpannan bastap «Qyzmettik qarý» jedel aldyn alý sharasy júrgizilýde. Arnaıy qurylǵan 26 top qyzmettik qarý ustaıtyn zańdy tulǵalarǵa tekserý júrgizdi. Olardyń qataryna kúzet agenttikteri, ınkassasııa qyzmeti jáne «Qazposhta» AQ jatady. Mamandar atalǵan mekeme qyzmetkerlerine qyzmettik qarý men oq-dárini saqtaý jáne qoldaný tártipterin jiti túsindirdi.

«Shara barysynda saqshylar 170-ten astam obektini tekserdi. Qyzmettik qarý men oq-dáriniń jetispeý nemese bekitilgen shekten artyq bolý faktileri tirkelgen joq. Dese de qarýdy saqtaý tártibin buzǵany úshin QR ÁQBtK-niń 484 babyna sáıkes 6 ákimshilik hattama toltyrylǵan», dedi ShQO PD bastyǵy Saǵat Mádıev.

Aıta keteıik, «Qyzmettik qarý» jedel aldyn alý sharasy 5 naýryzǵa deıin jalǵasady.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar