Qaıdar Ysqaquly qylmystylyq órship turǵan qıyn-qystaý 90-shy jyldary tergeýshi bolyp istedi. Esirtki bıznesi, reket, memleket menshikterin talan-tarajǵa salý sııaqty qylmys túrlerimen kúresýde tártip saqshalarynyń tájirıbeleri bolmaǵan. Jańa mindetterdi ıgerýge ofıserlerdiń bári birdeı shydamady, tek tózimdi, óz jumysyna jan-tánimen berilgender ǵana qaldy. Olardyń arasynda jas qyzmetkerlerdi úırete alatyn – zııaly ári baısaldy, qaısar minezdi polısııa polkovnıgi Kashenov bolatyn.
Ol KSRO IIM Volgograd joǵary mılısııa mektebin 1978 jyly bitirgen. Eńbek jolyn SQO Ishki ister basqarmasy tergeý bóliminiń tergeýshisinen bastaǵan. Kásibı qsıetteri jáne tereń bilimi úshin Qaıdar Ysqaqulynyń eńbegi elenip, tergeý jelisi boıynsha IIB bastyǵynyń orynbasaryna deıin kóterildi.
«Kashenov mektebiniń» yqpaly búgingi kúnge deıin seziledi. Siz tárbıelegen mamandar oblystan tys aýmaqtarda da jaýapty laýazymdarda qyzmet atqarýda. Sizdiń qyzmettik tizimińizde IIM jáne IIB 40-tan astam marapaty bar, onyń ishinde QR IIM Qurmet gramotasy, «Minsiz qyzmeti úshin» medali, «QR IIM Qurmetti qyzmetkeri», «Mılısııa úzdigi» tós belgileri jáne kóptegen alǵystary bar. Siz biz úshin Otanǵa qaltqysyz qyzmet etýdiń jáne óz mamandyǵyna degen adaldyqtyń úlgisi - ózińiz», dedi Marat Tólebaev óziniń sózinde.
QYZYLJAR
