Qoǵam • 02 Naýryz, 2021

Akademıktiń mereıtoıyn atap ótti

23 ret kórsetildi

Ál-Farabı atyndaǵy Qazaq ulttyq ýnıversıteti oqý orny tarıhynda eleýli iz qaldyrǵan, qazirgi QazUÝ qalashyǵyn salýǵa tikeleı yqpal etken tulǵa, tehnıka ǵylymdarynyń doktory, professor О́mirbek Joldasbekovtiń 90 jyldyq mereıtoıyn atap ótti.

Alǵys aıtý merekesimen tuspa-tus kelgen aıtýly shara Stýdentter saraıy aldyndaǵy Joldasbekov eskertkishine gúl shoqtaryn qoıyp, taǵzym etýden bastaldy.

– Ol elimizdegi joǵary bilimniń damýyna úlken eńbek sińirdi. Stýdentter daıarlanatyn ǵylymı baǵyt pen mamandyqtar onyń atymen tikeleı baılanysty. Onyń basshylyǵymen laboratorııa, kafedra, ǵylymı ortalyqtar jáne Qazaqstan ulttyq ınjenerlik akademııasy quryldy. Tikeleı basshylyq etýimen elimizdegi stýdenttik shaqtyń sımvolyna, ǵylym men bilimniń aınymas belgisine aınalǵan QazUÝ qalashyǵy boı kóterdi, – dedi quttyqtaý sózinde ýnıversıtet rektory Janseıit Túımebaev. 

Ýnıversıtet rektory 90 jyldyqtyń táýelsizdiktiń 30 jyldyǵymen, elimizdegi Alǵys aıtý kúnimen qatar kelgenin de jaqsy yrymǵa balaıtynyn aıtty. Senator Baqytjan Jumaǵulov mereıtoı ıesiniń ǵylymǵa jasaǵan qamqorlyǵyna basa nazar aýdardy.

– Kezinde ǵylymnyń barlyǵy Ulttyq ǵylym akademııasynda oryndalatyn. Al JOO-lar tek oqytýmen aınalysty. Ol kisi kele sala myqty jastardy tańdap, Máskeý, Kıev, Sankt-Peterbýrg qala­laryna jiberip, tárbıeleýge kiristi. Ár salanyń ǵylymyn kóterý­ge bar kúshin saldy. Batys Eýropada, AQSh-ta ǵylymnyń bári ýnıversıtette damıdy. О́mirbek Arslanuly sol úrdisti alyp keldi. Qazir mınıstrlik te ýnıversıtet qabyrǵasynda ǵylymdy órkendetýge qatysty jumys júrgizip jatyr. Bul da sol kezde salyp ketken О́mirbek aǵamyzdyń joly dep oılaımyn, – dedi B.Jumaǵulov.

Ulttyq ǵylym akademııasynyń pr­ezıdenti Murat Jurynov kór­nekti ǵalymnyń shákirti bolǵa­nyn maqtana baıandap, onyń tulǵasyna toqtaldy.

– Talapker kezimde ol kisiniń aldyn­da emtıhan tapsyrǵanmyn. Keıin 1-kýrsta bizge joǵary mate­ma­tıka­dan dáris oqydy. О́mekeńdi stý­dentter óte jaqsy kóretin. О́ıt­keni ol stýdentterge árkez jyly kóz­qaras­pen qaraıdy. Járdem sura­ǵan shá­kirtine aıanbaı kómegin bere­di. Qara­paıymdylyǵy da ony jaqyn­da­typ turatyn. Ke­ıin Más­keýde aspı­ran­týrany biti­rip kel­gennen ke­ıin ol kisiniń qabyl­daýy­na kirip, kezin­de aldynda emtı­han tap­syr­­ǵa­nym­dy, shákirti bolǵanym­dy aı­typ, al­ǵysymdy jetkizdim. Son­sha­­lyq­ty tyǵyz qarym-qatynasta bol­­ǵan joq­pyz. Men Shymkent, Qara­­ǵandy qala­­larynda jumys iste­dim. Ol kisi Alma­ty­da. Biraq qaıda júrsek te ol kisiden bilim alǵany­myz­dy maqtanysh ettik, – deıdi ǵalym.

Sondaı-aq jıyn barysynda rektor elimizdiń JOO arasyn­da ót­kiziletin robotqurastyrýdan «ROBOKON-2021» chempıonatyn­da baq synaıtyn mehanıka kafedra­syndaǵy MECHANICS komandasyna О́mirbek Joldas­bekovtiń 90 jyldyq mereıtoıyna oraı arnaýly stıpendııa taǵaıyndalǵanyn da jarııalady. Stıpendııa ıelerin quttyqtap, olardyń eńbekterine jemis tiledi. 

О́mirbek Joldasbekov 1931 jyly qazirgi Túrkistan oblysynda ómirge kelgen. Sanaly ǵumyryn ǵylym men bilimniń órken jaıýyna arnaǵan jan 1970-1986 jyldary QazUÝ rektory bolyp qyzmet etti. 

 

ALMATY

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar