Qazaqstan Respýblıkasynyń Tuńǵysh Prezıdenti – Elbasy
N.Á. Nazarbaev atap ótkendeı: «Alǵys aıtý kúni Qazaqstan halqynyń birligin pash etedi, meıirimdiliktiń, ózara kómek pen jaqsylyqtyń jarshysy bolyp sanalady. Kóktemniń alǵashqy kúninde – tirshilik ataýly jandanyp, jer-dúnıe jańaratyn kezeńde atalyp ótýi bul merekege erekshe sán beredi».
Atalmysh aksııa aıasynda dárigerlerge, quqyq qorǵaý organdary men órt kúzetiniń qyzmetkerlerine, sondaı-aq kommýnaldyq qyzmet jumysshylaryna quttyqtaý jazbasy bar 1500-den astam brendtelgen shokolad taratyldy.
Is-shara 1570 adamdy qamtydy (№7 qalalyq aýrýhana, Ortalyq qalalyq klınıkalyq aýrýhana, №30 Qalalyq emhana, №4 Qalalyq klınıkalyq aýrýhana, №1 qalalyq emhana, qalalyq klınıkalyq ınfeksııalyq balalar aýrýhanasy, №2 Balalar klınıkalyq aýrýhanasy, №8 órt sóndirý bólimi, Almaty qalasy PD, Jetisý aýdandyq IIB jergilikti polısııa qyzmeti, kommýnaldyq qyzmet qyzmetkerleri).
Is-sharanyń maqsaty – qoǵam ıgiligi úshin eńbek etetin qyzmetkerlerge alǵys bildirý, óskeleń urpaqtyń boıynda toleranttylyq sezimin, aǵa býyndy qurmetteý jáne bir-birine dostyq qarym-qatynas sezimin tárbıeleý.
«Búgin Alǵys aıtý kúni. Biz, qala volonterleri, pandemııa jaǵdaıynda adamdardyń ómirin, densaýlyǵyn saqtaı otyryp, kún saıyn úlken eńbek atqaratyn adamdarǵa jaǵymdy áser qaldyrǵymyz keldi», - dedi Jastar resýrstyq ortalyǵynyń volonteri Janar Arnaeva.
Anyqtama retinde: bul kún 2016 jyldyń 1 naýryzynan bastap Alǵys aıtý kúni retinde resmı túrde merekelenedi. 2016 jylǵy 14 qańtarda Qazaqstan Respýblıkasynyń Tuńǵysh Prezıdenti N.Á. Nazarbaev Qazaqstan halqy Assambleıasynyń qurylǵan kúni elimizde 1 naýryzdy «Alǵys aıtý kúni» dep jarııalap, № 173 Jarlyqqa qol qoıdy.
Sonymen qatar, pandemııa kezinde volonterler qala turǵyndaryn qoldaýǵa jáne jan-jaqty kómek kórsetýge baǵyttalǵan kóptegen túrli formattaǵy is-sharalar ótkizetinin atap ótken jón.
