Mańǵystaý oblysynyń Qazaqstan halqy Assambleıasy 1 naýryz-Alǵys aıtý kúnimen «Qala joldary» qyzmetkerlerin quttyqtady. Mekeme eriktileri men etnomádenı birlestik ókilderi «Qala joldary» qyzmetkerlerine ystyq shaı men táttiler syılady. Halyqaralyq áıelder kúni qarsańynda áıel adamdarǵa estelik syılyqtar da usynyldy.
Kóktemniń alǵashqy merekesinde medısına qyzmetkerleri de nazardan tys qalmady. Etnomádenı birlestiginiń tóraǵalary jáne Dostyq úıiniń mamandary Mańǵystaý oblysy aýrýhanasy men oblystyq balalar aýrýhanasynyń dárigerlerine estelik syılyqtar tabystady.
Aıta keteıik, Qazaqstan Halqy Assambleıasynyń qurylǵanyna 26 jyl tolýyna oraı Aqtaýdaǵy ulttyq ulanǵa qarasty «6656» áskerı bóliminde merekelik saltanatty jıyn ótti. Sondaı-aq Aqtaý qalasyndaǵy qarttar úıinde «Etnoburysh» ashyldy. Onda qazaqtyń ulttyq kıimderi men taǵamdarynyń kórmesi uıymdastyryldy.
