Ekonomıka • 02 Naýryz, 2021

Qazaqstan 2020 jylǵy ekonomıkalyq erkindik reıtınginde 39-oryndy ıelendi

13 ret kórsetildi

Amerıkalyq zertteý ortalyǵynyń 2020 jylǵy ekonomıkalyq erkindik ındeksi boıynsha «Mura qory» (Heritage Foundation) elder reıtınginde Qazaqstan óz kórsetkishterin 20 pozısııaǵa jaqsartyp, 180 orynnyń ishinen 39-oryndy ıelendi, dep habarlaıdy Egemen.kz.

Heritage Foundation Qazaqstannyń 2020 jylǵy reıtıngtegi pozısııasyn jaqsartý turǵysynan alǵanda anaǵurlym mańyzdy oń serpini bar 10 eldiń birine aınalǵanyn atap ótti.

Oń serpin fıskaldyq turaqtylyq, menshik quqyǵyn qorǵaý, memlekettik organdardyń tıimdiligi, memlekettik shyǵystardyń tıimdiligi, bıznestiń bostandyǵy, saýda erkindigi, sot júıesiniń tıimdiligi sekildi kórsetkishter boıynsha baıqaldy. Turaqty dınamıka ınvestısııalar erkindigi, qarjy sektorynyń erkindigi sııaqty kórsetkishter boıynsha baıqaldy.

Salystyrý úshin, 2020 jylǵy ekonomıkalyq erkindik ındeksi boıynsha elder reıtınginde Reseı Federasııasy 94-oryndy, О́zbekstan Respýblıkasy 114-oryndy, Belarýs Respýblıkasy 88-oryndy, Qyrǵyz Respýblıkasy 81-oryndy ıelendi. Ekonomıkalyq erkindik deńgeıi asa joǵary 5 eldiń qataryna Sıngapýr, Gonkong, Jańa Zelandııa, Avstralııa, Shveısarııa kirdi.

«Mura qory» (The Heritage Foundation) amerıkalyq zertteý ortalyǵy jyl saıyn álem elderiniń ekonomıkalyq erkindigi týraly esep shyǵarady. Ekonomıkalyq erkindik ındeksi (Index of Economic Freedom) – tıisti reıtıngti qalyptastyratyn ekonomıkalyq erkindik deńgeıin baǵalaıtyn biriktirilgen kórsetkish.

Uqsas jańalyqtar