Rýhanııat • 02 Naýryz, 2021

QazUÝ belgili ǵalym Álııa Ospanovanyń 70 jyldyǵyn onlaın rejımde atap ótti

243 ret kórsetildi

Naýryzdyń alǵashqy kúninde ál-Farabı atyndaǵy Qazaq Ulttyq ýnıversıtetiniń  Hımııa jáne hımııalyq tehnologııa fakýltetinde belgili hımık-ǵalym Ospanova Álııa Qapanqyzynyń  qurmetine arnalǵan onlaın-konferensııa ótti, dep habarlaıdy Egemen.kz.

Konferensııaǵa hımııa ǵylymdarynyń doktorlary ­– professor H.Ospanov, professor G.Shabyqova, fakýltet dekany H.Tasybekov, QR Senatynyń depýtaty, professor, QR UǴA korrespondent-múshesi A.Nuquly, Reseı ǵalymy, professor N.Ývarovtar, sonymen birge |Nazarbaev ýnıversıteti men Hımııa jáne hımııalyq tehnologııa fakýltetiniń oqytýshy-professorlyq quramy men stýdentteri qatysty. Konferensııa barysynda sóz sóılegen ǵalymnyń áriptesteri men shákirtteri Álııa Qapanqyzynyń ashqan ǵylymı jańalyqtaryna, jumys isteý tásiline erekshe toqtaldy. Ǵalymnyń ómir joly, jasaǵan ǵylymı eńbekteriniń jas ǵalymdardy tárbıeleýde mańyzy erekshe.

Álııa Ospanova joǵary jáne tómen molekýlaly lıgandalar negizinde belgili bir qajetti qasıetterge ıe kúrdeli koordınasııalyq qosylystar alýdyń fızıka-hımııalyq negizderin qurǵan aıtýly ǵalym. Ǵalymnyń bıomedısınaǵa arnalǵan antıbakterıaldy jabyndar alýǵa qosqan úlesi zor. 2006 jyly Álııa Qapanqyzy ǵylym men tehnıkanyń damýyna erekshe úles qosqan ǵalymdar men mamandardyń memlekettik stıpendııasyna ıe bolǵan, 2006 jáne 2011 jyldary «JOO-nyń úzdik oqytýshysy», al 2010 jyly «Bilim berý isiniń qurmetti qyzmetkeri» atandy. ál-Farabı atyndaǵy Qazaq ulttyq ýnıversıtetiniń kúmis jáne altyn medal ıegeri.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar