«Qabyldanyp jatqan is-sharalarǵa qaramastan kelesi negizgi problemalar bar. Pasıentter deńgeıinde – bul usynylatyn qyzmetterdiń sapasy, álsiz kommýnıkasııa, mamandarǵa kezek, medısınalyq qyzmet kóleminiń, joǵarytehnologııalyq jáne qymbat qyzmetterdiń jetkiliksizdigi, salalyq mamandardyń tapshyly, halyq sany 300 adamnan az aýyldarda medısına uıymdaryn, dárihana pýnktterin damytý qajettigi», dedi mınıstr.
Mınıstrdiń aıtýynsha, alǵashqy medısınalyq-sanıtarlyq kómek deńgeıinde jan basyna qarjylandyrýdy jetildirý talap etiledi.
«Sıfrlandyrý tolyq kólemde aıaqtalǵan joq. Búginde aýdandyq deńgeıden tómen medısınalyq uıymdardyń ınternetpen qamtamasyz etilýi, sonymen qatar medısınalyq aqparattyq júıelermen yqpaldasýy 84,2 paıyzdy quraıdy. Kadrlyq áleýettiń, áleýmettik kepildiń jetkiliksizdigi jáne tómen jalaqy da oryn alǵan. Infraqurylym men jabdyqtalý tómen. Jekelegen keıbir aýyldyq eli mekende alǵashqy medısınalyq-sanıtarlyq kómek nysandary, sonymen qatar medısınalyq nysandar tozǵan jáne joq ta», dedi Alekseı Soı.
