«Qar men ylǵal qorynyń jınalýy áli de jalǵasýda. Jaýyn-shashyn mólsheri boıynsha tótenshe jaǵdaı týyndaý qaýpi joǵary óńirler: Aqmola oblysy aýmaǵy, Qaraǵandy oblysy aýdandarynyń bir bóligi, Soltústik Qazaqstan jáne Aqtóbe oblystary, onda qazirgi qar qory kópjyldyq baqylaýdan 50%-ǵa asady», dedi mınıstr Ortalyq kommýnıkasııalar qyzmetinde ótken brıfıngte.
Mınıstrdiń málimetinshe, aryq jelisi men ózenderdi tazartý jumystary aıasynda Almatyǵa qaýip tónip turǵan joq. Anaǵurlym qaýipti sel kezeńi shilde, tamyz, qyrkúıek aılarynda qalyptasady. Osy kezeńde vedomstvo bólimsheleri profılaktıkalyq baqylaýmen aınalysady.
Sonymen birge mınıstr Úlken Almaty shatqalyna barýǵa shekteý qoıylatynyn eskertti.
«Bıyl biz Aıýsaı jáne Aqsaı shatqaldarynda eki sel ustaıtyn bóget qurylysyn bastadyq. Jaqynda ǵana jumysty bastaýǵa daıyndyq tekserildi. Men Almaty turǵyndaryna úndeý jasaǵym keledi. Eń aldymen Almaty turǵyndary men týrısterdiń ómiri men densaýlyǵynyń qaýipsizdigin qamtamasyz etý úshin qurylys jumystary júredi, almatylyqtar men ońtústik astana qonaqtary jaqsy kóretin Úlken Almaty shatqalyna barý boıynsha keıbir shekteýler engiziletinin eskertkimiz keledi. Sondyqtan tıisti túsinistikpen qaraý kerek, óıtkeni bul bolashaqta megapolıstiń qaýipsizdigin qamtamasyz etedi», dep túsindirdi Iý. Ilın.
