Qoǵam • 02 Naýryz, 2021

Almatyda medısınalyq kadrlar tapshylyǵyn azaıtý úshin joba jasaldy

9 ret kórsetildi

Dál qazirgi kúnderi qalalyqtardyń densaýlyǵy – Almaty ákimdigi jumysynyń basty mindetine aınalyp tur. Sondyqtan megapolıstiń medısına uıymdaryndaǵy kadr tapshylyǵyn azaıtý úshin jalpy qalalyq joba qabyldandy.   Onyń ishinde qaladaǵy ólim-jitimdi azaıtýǵa qatysty is-sharalar jospary da bar, dep habarlaıdy Egemen.kz.

Almaty ákimi B.Saǵyntaevtyń tóraǵalyǵymen ótken alqa jıynynda 2020-2025 jyldary qalada densaýlyq saqtaýdy damytýdyń memlekettik baǵdarlamalaryn iske asyrýdyń qorytyndylary, sonymen qatar jalpy ólimdi, ana men bala ólimderin azaıtý, kadr tapshylyǵyn sheshý jáne aldaǵy kezeńdegi mindetter týraly máseleler qaraldy.   

Almatynyń medısınalyq uıymdaryna 2 mıllıonnan astam adam tirkelgen, onyń 28,5%-y 18 jasqa deıingi balalar. Medısınalyq qyzmetterdi TMKKK aıasynda Qoǵamdyq densaýlyq basqarmasyna baǵynyshty 74 medısınalyq uıym, 13 respýblıkalyq jáne 90-nan astam jeke medısınalyq uıymdar kórsetedi.

Alqa jıynynda atalyp ótkendeı, densaýlyq saqtaý júıesiniń basty mindeti medısınalyq kómektiń sapasy men qoljetimdiligin arttyrý bolyp tabylady. Densaýlyq saqtaýdy damytýdyń memlekettik baǵdarlamasy aıasynda 24 kórsetkishter men ındıkatorlardyń 21-i boıynsha josparly mánder iske asty.

Osyǵan oraı Almaty ákimi Baqytjan Saǵyntaev 2021 jyly kórsetkishter men ındıkatorlarǵa qoljetkizý boıynsha sharalar qabyldaýdy, sondaı-aq jalpy ólimdi azaıtý boıynsha is-sharalar josparyn júzege asyrýdy tapsyrdy. Ásirese, analar men sábıler óliminiń aldyn-alýǵa jáne olardy eskertýge erekshe nazar aýdarý kerek. Sonymen birge, ana men balany qorǵaý bóliminiń, AMSK-tiń, áıelder konsýltasııalary men bosanýǵa kómektesetin uıymdardyń jumystary kúsheıtiledi.

Búgingi kúni megapolıstiń memlekettik medısınalyq uıymdarynda 6 myńnan astam dáriger men 13 myńǵa jýyq orta medısınalyq qyzmetker jumys isteıdi. Infeksııalyq stasıonarlardyń, kópbeıindi klınıkalardyń jáne otbasylyq dárigerlik ambýlatorııalardyń qarqyndy salynýy kadr tapshylyǵynyń ózekti máselege aınalǵanyn kórsetýde.

Qalanyń medısınalyq uıymdaryna shamamen 590 dáriger – anestezıologtar, pýlmonologtar, kardıologtar, nevropatologtar jáne basqalary, sondaı-aq 300-ge jýyq orta býyn qyzmetker qajet.

Taıaý jyldary jańa aýrýhanalar men emhanalardyń ashylatynyn eskere otyryp, qala ákimi B. Saǵyntaev kadr tapshylyǵyn tómendetý boıynsha jalpyqalalyq joba qabyldaýdy tapsyrdy. Is-sharalar josparynda túlekterdi jumysqa ornalastyrý jáne medısınalyq qyzmetkerlerdiń biliktiligin arttyrý isine joǵary oqý oryndary men kolledjderdi tartý kerektigi kórsetiletin bolady. Yntalandyrý tetikteri, onyń ishinde KPI boıynsha baǵalaý, ústemaqy jáne áleýmettik qamsyzdandyrý, jeńildetilgen qalalyq baǵdarlamalar boıynsha turǵyn úı satyp alý múmkindikteri qarastyrylǵan.

Alqaly jıynda qalanyń densaýlyq saqtaý júıesin taıaý arada damytýdyń mindetteri aıqyndaldy. Kezdesýdi qorytyndylaǵan Almaty ákimi B. Saǵyntaev osynaý ıgi maqsattardy júzege asyrýda qala tarapynan tolyq qoldaý kórsetiletinin atap ótti, óıtkeni ákimdik jumysyndaǵy eń basty baǵyt qala turǵyndarynyń densaýlyǵy bolyp tabylady.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar