– Byltyr «I sanattaǵy obektiler úshin memlekettik ekologııalyq saraptama qorytyndysyn berý» boıynsha 252 memlekettik qyzmet kórsetildi. Onyń ishinde 182 jobaǵa memlekettik ekologııalyq saraptamanyń oń, 57 jobaǵa ekologııalyq zańnama talaptaryna sáıkes kelmeýine baılanysty teris qorytyndylar berildi. Sondaı-aq 13 joba aldyn-ala saraptamamen keri qaıtaryldy. «I sanattaǵy obektiler úshin qorshaǵan ortaǵa emıssııalarǵa ruqsat berý» boıynsha 71 qyzmet kórsetildi. 53 ótinishke qorshaǵan ortaǵa emıssııaǵa ruqsat berilip, 15 ótinimge ruqsat berýden bas tartyldy, – dedi departament basshysy.
Onyń aıtýynsha, ekologııalyq zańnamany buzǵan 244 derek tirkelipti. Máselen, «Teńizshevroıl» JShS-ne qatysty ekologııalyq zańnamanyń saqtalýy boıynsha baqylaý sýbektisine (obektisine) barý arqyly profılaktıkalyq baqylaý jáne jospardan tys tekserý júrgizildi. Atalǵan kompanııa tarapynan qorshaǵan ortaǵa lastaýshy zattar shyǵaryndylaryn, onyń ishinde alaý qondyrǵylarynda gaz jaǵý saldarynan normatıvten tys emıssııalar júzege asyrylǵany anyqtaldy.
– Osyǵan baılanysty «Teńizshevroıl» JShS-ne elimizdiń ekologııalyq zańnamasyn buzý nátıjesinde keltirilgen zalaldy óteý týraly 145 988 808 teńge, 60 985 880 teńge jáne 519 477 172 teńge kóleminde nusqamalar berildi. Alaıda, «Teńizshevroıl» JShS tarapynan joǵaryda kórsetilgen nusqamalar erikti túrde oryndalmady. Sol sebepten, departament Nur-Sultan qalasynyń sotyna «Teńizshevroıl» JShS-nen memleket kirisine zalaldardy óndirip alý týraly talap aryzben júgindi. Nur-Sultan qalalyq sotynyń 2020 jylǵy 21 qazandaǵy jáne 2 qarashadaǵy sheshimderimen departamenttiń «Teńizshevroıl» JShS-ne qatysty talap aryzdary qanaǵattandyryldy, – deıdi departamentttiń baspasóz hatshysy Aslan Jeńisuly. – Árıne, sheteldik ınvestormen birlese kompanııa sottyń mundaı sheshimderimen kelispedi. Sóıtip, departamenttiń nusqamalary men sot sheshimderiniń kúshin joıý, talap-aryzdardy qanaǵattandyrýdan bas tartý, jańa sheshimderdi qabyldaý týraly apellıasııalyq shaǵym berdi. Biraq Joǵarǵy Sottyń mamandandyrylǵan sot alqasy «Teńizshevroıl» JShS-niń apellıasııalyq shaǵymdaryn qanaǵattandyrýdan bas tartty. Sot sheshimderi zańdy kúshine enip, «Teńizshevroıldan» jalpy somasy 726 451 860 teńge kóleminde zalaldar memleket kirisine óndirip alyndy.
Qorshaǵan ortaǵa zalal keltirýshiler qatarynda qoqystardy belgilenbegen jerge tastaý da jatady. Máselen, ǵaryshtan túsirilgen sýretter arqyly Atyraý qalasy men Mahambet aýdanynyń aýmaǵynan 484 qoqys alańy anyqtaldy. Osyǵan oraı atalǵan qaldyqtardy joıý jumystary júrgizildi.
– Anyqtalǵan aýmaq shamamen 50 shaqyrymdy quraıdy. Qashyqtan zondtaý arqyly túsirilgen ǵaryshtyq túsirilimder buǵan deıin atalǵan ákimdikterge joldanǵanymen, kórsetilgen qoqystardy tolyqtaı tazartpaǵan. Sol sebepten, Atyraý qalasy men Mahambet aýdany ákimdikteriniń jaýapty tulǵalary ákimshilik jaýapkershilikke tartyldy. Oblys ákimi bekitken ǵaryshtyq monıtorıng nátıjelerimen anyqtalǵan stıhııalyq qoqys oryndaryn joıýdyń kestesi jasaqtaldy. Qazir qoqys tógilgen 484 oryn tolyqtaı joıyldy, – deıdi memlekettik ekologııalyq baqylaý bóliminiń basshysy A.Nasılov.
Atyraý oblysy
