«Qabyldanǵan shekteý jáne epıdemııaǵa qarsy sharalardyń arqasynda qalada COVID-19 aýrýy qańtar aıymen salystyrǵanda mamamen 34%-ǵa tómendedi. Qazirgi ýaqytta qalada epıdemıologııalyq jaǵdaıdy baǵalaý boıynsha matrısaǵa sáıkes aptalyq qarqyndy kórsetkish 100 myń turǵynǵa shaqqanda – 53,96. Nur-Sultan qalasy «sary aımaqta» tur.», - deıdi Sarhat Beısenova.
Qalada barlyq jastaǵy jáne kontıngentter arasynda COVID-19 jaǵdaılaryn tirkeý jalǵasýda. Bıyl barlyǵy 6707 zerthanalyq rastalǵan COVID-19 jaǵdaıy tirkeldi jáne 85 klınıkalyq-epıdemıologııalyq rastalǵan COVID-19 jaǵdaıy PTR-testiniń teris nátıjesimen tirkeldi.
«Táýligine 68 ınfeksııa jaǵdaıy tirkeldi, onyń ishinde 37 sımptomatıkalyq jaǵdaı, 31 sımptomsyz túri. Sol sııaqty 73 oshaq anyqtaldy, onyń ishinde: 54 úı, 19 uıym. Sonymen qatar sımptomdary bar naýqastardyń úlesi qańtar aıyndaǵy 65,2%-dan aqpan aıynda 68,09%-ǵa deıin ósýi baıqalady, atap aıtqanda, 50 jastan asqan adamdar arasynda sımptomdarmen syrqattaný 3,5%-ǵa ósti», - dedi bas memlekettik sanıtarlyq dáriger.
«Jumys isteıtinder juqtyrýǵa neǵurlym beıim bolyp sanalady, olar jalpy syrqattanýshylyqtyń 48%-yn alady, bul ujymdarda epıdemııaǵa qarsy is-sharalardyń saqtalmaıtyndyǵyn kýálandyrady. Qazirgi ýaqytta tirkelgen 857 úı oshaǵy bar, onda 2161 qarym qatynasta bolǵandar medısınalyq baqylaýda. Al 2021 jyldyń 1 naýryzyndaǵy jaǵdaı boıynsha oqý jylynyń basynan bastap oqýshylar arasynda KVI-diń 1103 jaǵdaıy tirkeldi, onyń ishinde kezekshi synyp oqýshylary arasynda 263 nemese 23,8%, qashyqtan oqytý boıynsha oqýshylar arasynda 840 jaǵdaı, ıaǵnı 76,2% quraıdy», - dedi ol.
Ol óz sózinde qalada 1 aqpannan bastap medısına qyzmetkerlerin, 1 naýryzdan bastap pedagogtar men kúsh qurylymdarynyń qyzmetkerlerin vaksınasııalaý bastalǵanyn aıtyp ótti. Qazirgi ýaqytta 1 komponentpen 2241 adam, 2 komponentpen – 824 adam qamtylǵan.
