«Shymkent-sırki» zaman talabyna saı, álemdik brend «Cirque du Soleil» sırkiniń baǵytynda, sonyń elementterin paıdalana otyryp, alǵash ret ańdarsyz jańa qoıylym kórsetedi.
Baǵdarlamada ártisterdiń áýede ushýy, batyldyq sheńberinde saqtandyrýsyz óner kórsetetin akrobattar, jas ártisterdiń debıýttik nómirleri, kloýndardyń kúlkige toly jańa reprızalar sekildi jańa nómirler usynylady.
– Naýryz merekesine úlken baǵdarlama daıyndap jatyrmyz. Sırk ónerin jańǵyrtý, túrli tájirıbelerdi engizýde birqatar josparlarymyz bar. Qazir kúnine 10-20 qyzmetkerdiń daıyndyq jumystary júrgizilip jatyr. Merekelik tartýlar ázirlenip jatyr. Qazirgi tańda abattandyrý jumystary, bilikti kadrlar daıyndaý, olarǵa jaǵdaı jasaý syndy máseleler boıynsha tujyrymdamany qolǵa alyp otyrmyz. Bolashaqta mamandarǵa jataqhana salý boıynsha usynystarymyz bar. Bizde mamandar jetispeıdi. Bul ónerge eńbekqor jastardy tartýdy qolǵa alyp otyrmyzymyz,- deıdi sırk dırektory N.Ádilhanov.
«Shymkent-sırki» – álemdegi eń jas sırkterdiń biri. Mekeme bıyl 10 jyldyq mereıtoıyn atap ótedi. О́ner ujymy 2021 jyldy «Ańsyz sırk» biregeı eksperımentaldyq jobasymen bastaıdy. Endigi kezekte, kloýn jáne shapıto, djıgıtovka, jonglerlik etý jáne ekvılıbrıstıka, áýe gımnasttary sekildi baǵyttardy damytýdy kózdep otyr.
Baǵdarlamanyń uzaqtyǵy 80 mınýt, 5 jastan joǵary balalar men eresekterge arnalǵan. Bılet baǵasy 2000 teńgeden joǵary. Ujymdyq jeńildikter de qarastyrylǵan. Bıletter onlaın kassalarda satylady.
