Atalǵan qaýlyǵa sáıkes, buqaralyq is-sharalardy, otbasylyq, eske alý is-sharalaryn qosqanda, onyń ishinde úıde (banketter, úılený toılary, mereıtoılar, eske alý jáne taǵy basqalary), sondaı-aq merekelik korporatıvterdi uıymdastyrý jáne atqarýǵa, mıtıngiler, sherýler, jıyndar jáne taǵy basqalaryn ótkizýge jáne qatysýǵa tyıym salynady.
Qyzmeti jańartylmaǵan nysandarǵa: boýlıng-ortalyqtarǵa, kompıýterlik klýbtarǵa («Ashyq» pılottyq jobasyna qatysatyn nysandardy qospaǵanda), bılıard, karaoke, batýttar, túngi klýbtar, býkmekerlik keńseler men oıyn klýbtaryna, onyń ishinde jabyq úı-jaılardaǵy lotereıalar, oıyn alańdary men attraksıondar, sonymen qatar sport nysandarynda ornalasqandardy qospaǵanda, muz jáne rolıkti muz aıdyndaryna barýǵa tyıym kúshinde qalady.
«Ashyq» pılottyq jobasyna qatysatyn kásipkerlik nysandaryna kirý úshin App Store jáne Play Market-ten «Ashyq» mobıldi qosymshasyn júktep paıdalaný qajet.
Qoǵamdyq oryndarǵa, onyń ishinde qalalyq qoǵamdyq kólikke, qyzmetine ruqsat etilgen nysandarǵa barǵan kezde, sondaı-aq qoǵamdyq oryndarda ashyq aýada bolǵan kezde (ashyq aýada sportpen shuǵyldaný kezinde jáne 5 jasqa deıingi balalardy qospaǵanda) betperde kııý, qashyqtyqty saqtaý jáne antıseptıkterdi paıdalaný jónindegi talaptardy qatań saqtaý kerek.
