Rýhanııat • 04 Naýryz, 2021

Sóz ben istiń alshaqtyǵy

125 ret kórsetildi

Adam ómiri aqqan ózen sekildi eken. Bilinbeı baıaý jylystaı otyryp, balalyqtyń kókteminen, jastyqtyń jaırańdaǵan jazynan ótip, aqyry máýeli qońyr kúzge de kelip jetedi. Onyń ar jaǵynda kóp nársege moıyn burǵyzbaıtyn, seıil-serýen qurǵyzbaıtyn, kóbinese úıde qamap ustaıtyn qytymyr qys tur. Árıne, qysty durystap qarsy alý úshin qońyr kúzdiń adam úshin jaıly, jaǵymdy bolǵanyna ne jetsin! Sol úshin de adamdar óz ómiriniń kúzi jetkende oǵan daıyndalyp, túrli qareketter jasaı bastaıtyn kórinedi.

О́zim jýrnalıst retinde ómirimniń úlken bóligin Úkimet jumysyn nasıhattaýǵa, onyń jasap jatqan jumystaryn halyqqa jetkizýge arnaǵan ekenmin. Endi mine, meniń ómirim de sýdaı jyljyp qońyr kúzime kelip qalypty. Alla buıyrtsa, kelesi jyly zeınetke shyqpaqpyn.

Osy maqsatta osydan bir jyldan astam ýaqyt buryn sol jaǵalaýdan jaıly páter alý maqsatynda halyq arasynda senimdiligimen aty shyqqan qurylys kompanııasyna baryp, ózime unaǵan, otbasym úshin de qolaıly bir páterge jubaıymnyń atynan jáne onyń qatysýymen kelisimshart jasastyq.

Árıne, jaıly páterdiń baǵasy jeńil bolmaıdy ǵoı. Bizdiń jıǵan-tergenimiz azdap jetińkiremedi. Biraq kásiporynnyń bul tyǵy­ryqtan shyǵaratyn joly bar eken. Sol jetiń­kiremegen qarjyny qurylys ábden aıaqt­al­ǵanǵa deıin tólep turýǵa kompanııamen kelistik jáne eshqandaı ústeme paıyzsyz. Qurylys bir jarym jyldyń ishinde aıaq­talyp, páter kilti qolǵa tıetin boldy. Keli­sim­shartta osynyń bári jazbasha hattaldy.

Osy aralyqta el ómirinde biraz jaǵymdy jańalyqtar da boldy. Sonyń biri − Memleket basshysy Qasym-Jomart Toqaevtyń tapsyrmasy boıynsha el azamattaryna ózderiniń zeınetaqy shottarynda jınaǵan qarjysynyń bir bóligin turǵyn úı jaǵdaıyn jaqsartý úshin paıdalanýǵa jol ashylýy. Búgingi kúni osynyń zańdy tetikterin Úkimet organdary, tıisti mınıstrlikter ázirlep te qoıdy.

Osy ózgerister týraly halyq arasynda mınıstrlikter, Biryńǵaı jınaqtaýshy zeınetaqy qory jáne osy isti júrgizý úshin Úkimet tarapynan arnaıy belgilengen operator bank ókilderi túsindirý jumystaryn júrgize bastady. Olardyń baspasóz máslı­hattary men brıfıngterde aıtqan sózderin estip, qýanǵandardyń biri men boldym. О́ıtkeni olardyń sózine qaraǵanda, men ózimniń zeınetaqy jınaǵynda jatqan qarjymnyń shekti deńgeıden artylǵan mól­sherin qurylys kompanııasy salyp jatqan páterim­niń jetpegen bóligine jumsaýǵa ábden bolady eken. Muny tipti operator bank basshylyǵy da qaıta-qaıta naqtylap aıtty. Eger zeınetaqy shotyńyzda basy artyq qarjy­ńyz bolsa, sizdiń salynyp jatqan baspanańyz meıli bıznes sanatyndaǵy úı bolsa da, onyń óteý merzimi uzartylǵan bóligine (rassrochka) de paıdalanýǵa bolady degen sóz de aıtyldy.

Qudaıdyń qudireti-aı! Onyń ústine, meniń páterdiń qalǵan aqshasyn bólip tóleý boıynsha óteıtin qarjy kólemi zeınetaqy qorynan alatyn artyq aqshamnyń somasymen sáıkes kele ketkeni. Bul – másele tolyq sheshildi degen sóz.

Degenmen erte qýanǵan ekenmin. Endi turǵyn úı jaǵdaıym boıynsha jeke máse­lemdi naqty sheshý úshin qurylys kom­panııasynyń satý bólimine barǵan kezimde bir kóldeneń dúnıe aldymnan shyǵa keldi. Ondaǵy jigitterdiń aıtýynsha, zeınetaqy qoryndaǵy qarjyny Turǵyn úı qurylysyna kepildik berý qory maquldaǵan úılerge ǵana paıdalanýǵa bolady eken. Kompanııadaǵylar maǵan osy jónindegi Indýstrııa jáne ınfra­qurylymdyq damý mınıstrligi ázir­legen tıisti erejeni kórsetti.

«Qazirgi kúni azamattar zeınetaqy qoryn­daǵy basy artyq qarjysyn ıpotekamen alǵan páterge jáne komfort klasty úılerge ǵana paıdalana alady. Al bıznes klasty úıler ázirge oǵan jatpaıdy. Árıne, biz atalǵan máseleni sheshýdi joǵary jaqtan surap otyrmyz. Biraq ázirshe jaýap joq. Al negizinde siz sekildi suraqpen habarlasyp jatqandar kóp» dep túsindirdi olar.

Biraq mynadaı suraq týady: zeınetaqy shotymda meniń basy artyq qarjym bar ma? Bar. Turǵyn úı jaǵdaıymdy jaqsartpaq nıetim ras pa? Ras. Prezıdenttiń men sekildilerge kómek jasaǵysy kelgeni aqıqat pa? Aqıqat. Endeshe, men nege óz jınaǵymdy óz jaǵdaıym úshin paıdalana almaımyn?

Bul – kóp adamdy tolǵandyryp júrgen másele. Sondyqtan zeınetaqy qoryndaǵy «artyq» aqshany paıdalaný erejeleri taǵy bir pysyqtalyp, keıbir azamattardyń úıli bolýyna kedergi bolyp otyrǵan osy bir prob­lema sheshýiledi degen úmitimiz bar. 

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Tasqynǵa qarsy ázirlik oıdaǵydaı

Oqıǵa • Búgin, 07:40

Aq úıdiń alǵashqy meımany

Álem • Búgin, 07:38

Eski úılerdi esirkegen joba

Aımaqtar • Búgin, 07:33

Uqsas jańalyqtar