Ol qazaq halqynyń ejelden kele jatqan kóne dástúriniń biri – qusbegilikpen aınalysady. Qazaqtyń asyl dástúrin, mádenıetin damytýda bul ónerdiń mańyzy zor. Búrkitshi Jeńishan Baqbolatulynyń ákesi de ańshylyqpen aınalysyp, qaqpan quryp, tazy júgirtken.
– Sonaý baǵzy zamannan kele jatqan qusbegilik ónerdi dáriptep júrgenimizge de biraz ýaqyt boldy. Keń dalada qandaýyz qaqpan quryp, búrkit ushyryp, alǵan ańnyń terisin ıleımin. Bala kezimde ákem qasqyr, túlki sekildi ańdy aýlap, terisin ılep, onysyn bizge úıretip otyratyn. Qazaq halqynyń tektiligin, jigitteriniń seriligi men júrektiligin tanytatyn bul óner asa bilgirlik pen myqtylyqty talap etedi. Jyrtqysh quspen til tabysyp, ony aıtqanyńa kóndirý úshin de tózimdilik pen qaısarlyq qajet. Jaratylysynan jabaıy, jyrtqysh bolyp jaralǵan qyran qusty shoshytyp, úrkitip almaı baılanysý da asa mańyzǵa ıe, – deıdi qusbegi.
Ol aldaǵy ýaqytta qusbegilik ónerdi jastarǵa jan-jaqty úıretýdi maqsat etip otyr jáne oǵan aýyl jastarynyń qyzyǵýshylyǵy da joǵary.
