Bulardyń kóbi araqqa salynyp ketkender. Jalpy qala boıynsha 2429 maskúnem, 507 nashaqor jáne 410 turmysy qolaısyz sanalatyn otbasylar tirkelgen. Tekseris barysynda 651 ákimshilik quqyq buzýshylyq anyqtaldy, onyń jartysy derlik alkogoldik ishimdikter ishý nemese masań kúıde qoǵamdyq oryndarda júrý.
Bular jumys istemeıtindikten qylmysqa jaqyn turatyndar. Sonyń biri – bes aılyq qyzy bar jas áıel. Araqqa salynǵandyqtan kúıeýi ony tastap, qyzyn aýylǵa ketip qalǵan. Áıelde úı-kúı joq, páter jaldaýǵa da jaǵdaıy kelmeıdi. Aldynda polısııa qyzmetkerleri Aınur Berkimbaeva jáne Zarına Elýbaeva ony «Analarúıine» ornalastyrǵan. Bul jerde áıel eki apta turǵan, keıin jumysqa ornalasyp, otbasymen qaýyshqan. Alaıda uzamaı áıel taǵy da ashy sýdyń sońyna túsken. Balanyń ákesi sábıdi qaıtadan aýylǵa alyp ketken eken. Qazirgi ýaqytta bul jup polısııanyń baqylaýynda. Qoǵamnyń bir múshesi bolǵandyqtan osyndaılardyń taǵdyry da umytylmaıdy.
