Tıisti úshjaqty memorandýmǵa búgin «KAZAKH INVEST« UK» AQ, Túrkistan oblysynyń ákimdigi jáne «Globalia Kft» kompanııasynyń ókilderi arasynda qol qoıyldy. Qujat aıasynda sheteldik ınvestorlar qýattylyǵy 50 MVt bolatyn kún parkin salýdy josparlap otyr. Joba 160 myńnan astam monokrıstaldy kún modýlin ornatýdy qarastyrady.
«Túrkistan oblysynda elektr energııasynyń tapshylyǵy bar ekeni barshaǵa málim, kóbine biz ony elimizdiń soltústik óńirlerinen alamyz. Osyǵan baılanysty bizge energııanyń balamaly kózderin damytý qajet. О́ńirde jylyna úsh myń saǵat kún ashyq. Sondyqtan bizdiń oblys osyndaı jobalardy iske asyrý úshin eń qolaıly bolyp tabylady», dep atap ótti Túrkistan oblysy boıynsha «KAZAKH INVEST» UK« AQ óńirlik dırektory Janabaev Ersultan.
Aldyn ala kelisimderge sáıkes, KES qurylysy 2022 jyldyń basynda bastalady. Jobany iske asyrý shamamen 150 jumys ornyn qurýǵa múmkindik beredi. Josparlanǵan ınvestısııalardyń somasy naqtylanýda.
«Biz Qazaqstannyń ınvestısııa salýǵa qolaıly el ekenine kóz jetkizdik. Biz jobalarǵa qarajat salǵan kezde, bizdiń ınvestısııalarymyz qorǵalǵanyna jáne olar óz jemisin beretinine senimdimiz. Biz KAZAKH INVEST jan-jaqty qoldaýyn erekshe baǵalaımyz. Qazaqstanda 24/7 ınvestorlar úshin qoljetimdi jáne ashyq kompanııa bar ekeni óte jaqsy», dedi is-shara barysynda «Globalia Kft« kompanııasynyń basqarma tóraǵasy Gabor Sagı.
Búgingi tańda «KAZAKH INVEST« UK» AQ qoldaýymen JEK salasynda jalpy somasy $930 mln quraıtyn 15 joba iske asyrylýda, osy jobalardy iske asyrý sheńberinde jalpy qýaty 676 MVt kún parkterin, gıdro jáne jel elektr stansalaryn qurý josparlanýda.
