Vedomstvonyń málimetinshe, oqıǵa aqpannyń 04-de Astrahan aýdanyndaǵy «Aına – resýrs» JShS shahtasynda oryn alǵan. Bul týraly saǵat 03:02 Astrahanka aýylynyń 19-О́SB baılanys pýnktine Aqbeıit aýylynda tótenshe jaǵdaıǵa tap bolǵan adamdardy qutqarý jáne evakýasııalaý úshin kómek qajet ekendigi týraly habar tústi.
«Qutqarýshylar «TREKOL VEGA» jol talǵamaıtyn kóligimen shaqyrý ornyna jiberildi. 1991 jáne 1990 jylǵy eki er adam 100 metr tereńdikte aýyr halde boldy, olardy shahtadan basqa kenshiler alyp shyqty jáne qutqarýshylar kelgenge deıin alǵashqy medısınalyq kómek kórsetti. Meteorologııalyq jaǵdaıdyń nasharlyǵyna baılanysty jedel járdem kóligi zardap shekkenderge jete almady. Qutqarýshylar tótenshe jaǵdaı ornyna dárigerlermen birge shyǵyp, zardap shekkenderdi aýrýhanaǵa evakýasııalady», dedi Astrahan aýdanynyń TJB bastyǵy Aıat Seralıev.
