Túngi saǵat 00:15-de kireberisten jylaǵan balanyń daýsyn estip shyqqan turǵynnyń biri edende jatqan náresteni kórgen. Bala kórpeshege oralǵan, ústinde jyly kıimi de bar eken. Alǵashqyda sábıdi kórip shoshyp qalǵan turǵyn sol mańnan balanyń ata-anasyn izdeıdi, tappaǵan soń polısııaǵa habarlasypty.
Polısııa qyzmetiniń málimetinshe, nárestege shamamen 1-2 aı. Jedel járdem dárigerleri qarap kórip, aýrýhanaǵa alyp ketipti. Olar sábıdiń densaýlyǵy jaqsy deıdi.
«Atalǵan fakti boıynsha QK 119 baby 1 bóligi boıynsha sotqa deıingi tergeý bastaldy. Qazirgi ýaqytta balasyn qaýipti jerge qaldyryp ketken ana izdestirilip jatyr, ázirge tabylǵan joq», dep málimdedi Polısııa departamentiniń baspasóz qyzmetkeri Baqytjan Qudııarov.
