Kókshetaý qalasynyń polısııasyna 65 jastaǵy jergilikti turǵyn aryz jazǵan. Onyń aıtýynsha, beıtanys áıel ınternet-resýrstardyń kómegimen aldaý arqyly 63 myń teńgesin qoldy qylǵan. Tártip saqshylary QR QK 190-baby 2-bóligi «Alaıaqtyq» boıynsha sotaldy tergeý júrgizdi.
«Jedel-izdestirý is-sharalary barysynda 48 jastaǵy kókshetaýlyq áıel 2020 jyly WhatsApp-ta aqsha pıramıdasyn uıymdastyrý úshin top ashqany anyqtaldy. Onda Aqtaý, Jańaózen, Nur-Sultan, Pavlodar jáne basqa qalalardan 20-ǵa jýyq adam bolǵan. Olarǵa keltirilgen zalaldyń jalpy somasy 70 mıllıon teńgeden asady. Áıel óz kinásin moıyndady», dedi polısııa ókilderi.
