Fılıal basshysy Tileýhan Ábildaevtyń aıtýynsha, jyldyń alǵashqy aıynda:
Qaýip deńgeıi asa joǵary 1-top boıynsha – 877 mln teńge (barlyǵy 1504 adam);
Qaýip deńgeıi joǵary 2-top boıynsha – 644,7 mln teńge (barlyǵy 1916 adam);
Qaýip deńgeıi ortasha 3-top boıynsha – 254,4 mln teńge (1567 adam) tólendi.
Buǵan deıin habarlanǵandaı, pandemııa bastalǵan 2020 jyldyń naýryzynan beri MSQ koronavırýs pen pnevmonııaǵa qarsy kúresip jatqan medısına qyzmetkerlerine ústemaqy tóleı bastaǵan bolatyn.
«Almaty qalasy boıynsha ótken jyldyń naýryz-jeltoqsany aralyǵynda koronavırýsqa shaldyqqan syrqattardy emdeýge 7,3 mlrd teńge bólindi. 165 myń adam PSR-test tapsyrǵan, oǵan 1,8 mlrd teńge tólendi. Medısına qyzmetkerlerine jalaqyǵa qosymsha aqy retinde 16,7 mlrd teńge tólendi», dedi Tileýhan Ábildaev.
Esterińizge sala ketsek, Qazaqstanda koronavırýs pen pnevmonııaǵa shaldyqqan naýqastar tegin emdeledi, ol úshin saqtandyrylǵan bolý shart emes. Sonymen qatar, pasıentter COVID-19 juqtyrǵan jaǵdaıda mobıldi brıgadalar men úı jaǵdaıyndaǵy stasıonar qyzmetin paıdalana alady.
