Aımaqtar • 05 Naýryz, 2021

Jaıaýlardy syılamaıtyndar endi ońaı jazalanady

27 ret kórsetildi

Jaıaý júrginshilerdiń soqpaǵyna (trotýarǵa) kólikterin kóldeneń qoıyp ketip, ózinen basqa eshkimdi syılamaı júretin júrgizýshiler Petropavlda da kóp. Bala súıretken áıel, taıaqqa súıengen qart adamdar sondaılardyń qysastyǵynan tar jerlermen qysylyp-qymtyrylyp ótýge májbúr. Endi sondaılarǵa bir tıym oılap tabyldy.

Petropavldyń jol tártibin baqylaıtyn patrýlderi barlyq jaıaý júrginshilerge osyndaı jaǵdaıdy kórse dereý fotoǵa túsirip, 102 nómirine salyp jiberýdi ótinýde. Qolyna foto men shaǵym dabyly túsken polısııa tártip buzýshyny birden ustap, tıisti jazaǵa tartady. Al munyń jaıaý júrginshige esh qıyndyǵy joq, eshkimmen mashınańda nege belgilenbegen jerge qoıasyń dep ursyp – talaspaıdy. Tek fotosyn jibere salsa bolǵany. Qazir jurttyń báriniń qaltasynda qaltafon bar, túsirip al da mekenjaıdy kórsetip 102-ge qoıa berse bolǵany. Bul tártip buzýshylardy quryqtaýdyń eń ońaı joly.  «Munyń múmkindigi asa joǵary. «102» qosymshasy baılanystyń birizdiligi bolyp tabylady, ol kez-kelgen yńǵaıly formatta polısııaǵa júginýge múmkindik beredi: foto jáne beıne materıaldar, aýdıo jáne beıne qońyraý salynǵan mátindik habarlama. Geolokasııa paıdalanýshynyń turǵan jerin anyqtaýǵa, qońyraýdy qabyldaýǵa nemese turǵan mekenjaıyn aıtýda adamǵa qıyndyq týyndaǵan jaǵdaıda oǵan kómek kórsetýge múmkindik beredi. «SOS» túımesi sıgnaldyń geolokasııasy boıynsha patrýldiń shuǵyl shyǵýyn talap etedi, - deıdi SQO PD bastyǵy, polısııa polkovnıgi Marat Tólebaev.

Soltústik Qazaqstan oblysy

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar