Úkimet • 05 Naýryz, 2021

Memlekettik komıssııa kásipkerlerdi qoldaý boıynsha shuǵyl sharalar toptamasyn maquldady

15 ret kórsetildi

2021 jyly 4 naýryzda QR Premer-Mınıstri Asqar Mamın QR Prezıdenti janyndaǵy Ekonomıkalyq ósimdi qalpyna keltirý jónindegi memlekettik komıssııanyń otyrysyn ótkizdi. Jańa ekonomıkalyq shynaıylyq jaǵdaıynda iskerlik belsendilikti yntalandyrý máseleleri qaraldy, dep habarlaıdy.

Ulttyq ekonomıka mınıstri Áset Erǵalıev, «Atameken» UKP basqarma tóraǵasy Abylaı Myrzahmetov, QR Qarjy naryǵyn retteý jáne damytý agenttiginiń tóraǵasy Mádına Ábilqasymova, Premer-Mınıstrdiń birinshi orynbasary Álıhan Smaıylov baıandama jasady.

2020 jyldan bastap ulttyq ekonomıkadaǵy qalpyna keltirý serpinin qamtamasyz etý maqsatynda jumyspen qamtýǵa járdemdesýdi, kásipkerlik qyzmetti jandandyrýdy, sıfrlandyrýdy, AО́K áleýetin ashýdy, sondaı-aq turǵyn úı-kommýnaldyq, kólik, áleýmettik jáne saýda ınfraqurylymyn damytýdy kózdeıtin daǵdarysqa qarsy sharalardyń birneshe toptamasy qabyldandy. 2020 jyly COVID-19 pandemııasynyń saldarynan ekonomıkanyń eń kóp zardap shekken sektorlarynyń biri shaǵyn jáne orta bıznes boldy.

Osyǵan baılanysty, bıyl «Atameken» UKP 50 myńnan astam kásipkerge qosymsha qoldaý sharalaryna qajettilik turǵysynan saýalnama júrgizdi. Saýalnama nátıjeleriniń negizinde 4 baǵyt: bızneske júktemeni azaıtý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeıtý boıynsha 24 sharadan turatyn qosymsha paket ázirlendi.

Jańa sharalar toptamasy a.j. 26 aqpanda Memleket basshysy Qasym-Jomart Toqaevtyń tóraǵalyǵymen ótken Reformalar jónindegi joǵary keńes aıasynda  qaraldy.  Sharalar kesheni ekonomıkanyń zardap shekken salalaryndaǵy ShOB sýbektileriniń EQJJ tizbesin 2021 jylǵy 1 maýsymǵa deıin jeńildikti sharttarmen qaıta qarjylandyrý úshin 29-dan 174-ke deıin keńeıtýdi, memlekettik múlik obektileri jáne kvazımemlekettik sektor múlki boıynsha jaldaý tólemderin esepteýden 2021 jylǵy 1 shildege deıin ShOB zardap shekken sýbektilerin bosatýdy uzartýdy, aǵymdaǵy jyldyń sońyna deıin múlik salyǵyn tóleýden bosatýdy uzartýdy, jumys berýshiden alǵan qorǵaý qarajaty túrinde kásipkerlik sýbektileri jumyskerleriniń tabystaryn JTS-dan bosatýdy, memlekettik organdar men kvazımemlekettik sektor sýbektileriniń bastamasy boıynsha zańdy tulǵalar men jeke kásipkerlerdiń bankrottyǵyna moratorııdi 2021 jylǵy 1 shildege deıin uzartýdy, otandyq taýar óndirýshilerdiń memlekettik satyp alýǵa qoljetimdiligin arttyrýdy, «Damý» KDQ» AQ kepildik berý quralyn Ulttyq Banktiń jeńildikpen nesıelendirý baǵdarlamasyna taratýdy qamtıdy.

Qosymsha sharalar paketi ozyq qalpyna keltirý serpinin jáne jańa ekonomıkalyq shynaıylyq jaǵdaıynda iskerlik belsendilikti yntalandyratyn ekojúıeni qalyptastyrýdy qamtamasyz etýge múmkindik beredi. Tikeleı is-qımyl sharalary aǵymdaǵy jyly JIО́-niń 3%-ǵa ósýine qol jetkizýge yqpal etetin bolady, 3,3 mln-nan asa adam jumys isteıtin 1,2 mln-nan astam kásipkerlik sýbektilerin qoldaýdy qamtamasyz etedi.

Premer-Mınıstr Parlament Májilisine 25 naýryzǵa deıin engizý úshin Ulttyq ekonomıka mınıstrligine qoldanystaǵy zańnamaǵa tıisti túzetýler toptamasyn aǵymdaǵy jyldyń 12 naýryzyna deıin Úkimetke engizýdi tapsyrdy.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar