Elde ınternetke qosylǵan abonentterdiń sany bir jyl ishinde 5,1% ósip, 2,6 mıllıon abonentke jetti. Osylaısha, barlyq segmentte ınternetti paıdalanýshylar sanynyń aıtarlyqtaı ósýi baıqalady. Búgingi tańda Qazaqstan halqyn ınternetpen qamtý 99% quraıdy. Sondaı-aq Qazaqstanda mobıldi ınternettiń tarıfteri salystyrmaly túrde arzan.
Álemdik reıtıngte Qazaqstan ınterneti eń arzan TOP-10 eldiń qataryna kiredi. Sonymen, 2020 jyly Qazaqstan álem boıynsha 6-orynǵa ıe boldy. Elde 1 gıgabaıt ınternet úshin ortasha eseppen 0,46 AQSh dollary tólenedi. Reıtıngte barlyǵy 228 eldegi baǵa zerttelgen.
Eger Qazaqstanda 20 gıgabaıt ınternet úshin turǵyndar ortasha eseppen 9,2 AQSh dollaryn (3 840,4 teńge) tóleıtin bolsa, kórshi Reseıde – 10,3 dollar (4 299,6 teńge), Ulybrıtanııada – 27,9 dollar (11 646,5 teńge), Germanııada – 81,2 dollar (33 895,9 teńge), AQSh-ta – 160 dollar (66 789,8 teńge), Shveısarııada – 167, 5 dollar (69 920,7 teńge), Grekııada – 241,3 dollar (100 727,5 teńge).
