Aımaqtar • 05 Naýryz, 2021

Týberkýlezdiń taralýy tómendegen

23 ret kórsetildi

ShQO-da «Ýaqyt ótip jatyr! Týberkýlezdiń aýyrtpalyǵyn azaıtý jónindegi 2022 jylǵy maqsattarǵa birlesip qol jetkizemiz!» uranymen 24 aqpan men 24 naýryz aralyǵynda aılyq ótip jatyr.

Byltyr oblys turǵyndarynyń arasynda týberkýlez aýrýy boıynsha epıdemıologııalyq jaǵdaı turaqty boldy. 2019 jylmen salystyrǵanda 18,9%-ǵa tómendegen.

Týberkýlez – qabynbaly ókpe men lımfa túıinderinde paıda bolatyn juqpaly aýrý. Ol ókpe aýrýy ǵana emes, sonymen qatar súıek, búırek, mı, teri, kóz sııaqty aǵzalardy da zaqymdaıdy. Degenmen, ókpe týberkýlezi jıi kezdesedi. Bul indettiń bir ereksheligi basqa ınfeksııalarǵa qaraǵanda uzaq ýaqyt jasyryn túrde ótedi.

Dúnıejúzilik desaýlyq saqtaý uıymynyń derekteri boıynsha jyl saıyn týberkýlezben shamamen 9-10 mln. adam aýyrady eken. Bir naýqas 15-20 adamǵa deıin juqtyrýy múmkin. Bul derttiń saldarynan jyl saıyn shamamen 2 mln. adam qaıtys bolady.

– Infeksııalyq bul indet te aýa arqyly taraıdy. О́kpe týberkýlezimen aýyratyn adamdar jótelgende, túshkirgende nemese qaqyrǵanda taratady. Eki aptadan uzaq jótelse, álsizdik baıqasa, dene salmaǵynyń tómendese dárigerge qaralǵany jón. Sondaı-aq, uzaq ýaqyt dene qyzýy kóterilýi múmkin. Keýde tusy aýyryp, qan qaqyratyn jaǵdaılar kezdesedi. Durysy, aýyrmaýdyń jolyn izdeý. Sportpen aınalysyp, durys tamaqtaný kerek, – deıdi oblystyq Sanıtarııalyq-epıdemıologııalyq baqylaý departamentiniń Asa qaýipti ınfeksııalardy jáne týberkýlezdy epıdemıologııalyq qadaǵalaý bóliminiń basshysy Hamıt Ilıýbaev

 

Shyǵys Qazaqstan oblysy

Uqsas jańalyqtar