Aımaqtar • 05 Naýryz, 2021

Buǵynyń múıizderi urlanǵan

99 ret kórsetildi

Zaısan aýdanynda urlanǵan 230 keliden astam buǵynyń múıizin Almaty qalasynda ótkizý kezinde Shyǵys Qazaqstan oblysynyń turǵyny ustaldy.

Urlyq ótken jyldyń jeltoqsanynda oryn alǵan. Zaısan aýdany polısııa bóliminiń «102» jedel arnasyna Zaısan qalasynda ornalasqan jaýapkershiligi shekteýli seriktestikterdiń biriniń 62 jastaǵy kúzetshisinen qyzyl kitapqa tirkelgen janýardyń múıizderin urlaý faktisi boıynsha aqparat túsken.

- Túnde belgisiz bireý jaýapkershiligi shekteýli seriktestiktiń aýmaǵyna kirip, konteınerdiń aspaly qulybyn buzyp, qoraptardy urlap ketkeni anyqtaldy. Onyń ishinde jalpy salmaǵy 236 kılogramnan astam buǵynyń múıizderi bolǵan, – dedi ShQO PD bastyǵy Saǵat Madıev.

Bıyl aqpanda kúdikti Almaty qalasynda ustaldy. Ol 23 jastaǵy Zaısan aýdanynyń turǵyny bolyp shyqty. Ustaý kezinde er adam urlanǵan zattardan qutylmaq bolyp, olardy kóliginen joldyń boıyna laqtyryp ketken.

Qazirgi ýaqytta aıǵaq zattar tárkilendi. Tergeý jalǵasýda. Atalǵan fakti QR QK-niń 188-babynyń 3-bóligi 3-tarmaǵy boıynsha (turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq) sotqa deıingi tergep-tekserý júrip jatyr.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar