«Jumys sapary kezinde jaǵalaýy qaıta jóndeýden ótip, mańaıy abattandyrylyp jatqan Esentaı, Tiksaı, Jarbulaq ózenderindegi jumys barysyn kórip qaıttym. Gıdrotehnıkalyq qurylysty qosa alǵanda, ózen arnalary retke keltirilmek. Jaǵalaýlar gabıonmen nyǵaıtylyp, qaraýsyz qalǵan ýchaskelerde jaıaý júrginshilerge arnalǵan joly bar jańa qoǵamdyq keńistik qurylady. Júrýge yńǵaıly jol jabyndysy tóselip, qoıylatyn oryndyqtardyń tabıǵı materıaldan bolýyna mán berdim», dep jazdy B. Saǵyntaev.
Sondaı-aq ol Úlken Almaty men Aqsaı ózenderi basseınderindegi bógetterdiń qurylys alańdaryn qarap shyqty.
«Bul ózenderdiń basseınderinde, taýlarda qaýipti úsh morenalyq kól bar. Qurylys jumystary kezinde qozǵalysqa shekteý qoıylýy múmkin. Jasyl ekonomıka basqarmasyna jurtshylyqpen birlesip, májbúrli túrde kesilgen jasyl jelektiń ornyna ótemdik negizde egiletin jumystardy baqylaýdy tapsyrdym», delingen jazbada.
