Aımaqtar • 07 Naýryz, 2021

Qostanaı qazaq teatry kórermenderimen qaıta qaýyshty

33 ret kórsetildi

I.Omarov atyndaǵy Qostanaı qazaq drama teatry uzaq úzilisten keıin qaıta shymyldyǵyn túrdi.

Karantınniń qursaýy jibip, mádenı nysandar  uzyn arqan, keń tusaý tirshilikke kóshkeli tynymsyz daıyndyqqa kirisken teatr ujymy naýryzdyń basynda kórermenderine «О́telmegen paryz», «Syǵan serenadasy», «Kishkentaı adamnyń úlken tragedııasy» atty úsh birdeı jańa qoıylymdy usynyp otyr.

Qazaq teatry 4-5 naýryz kúnderi qaýipti indetkeqarsy aldyńǵy shepte kúresken dárigerler men polısııa qyzmetkerlerin, volonterlardy teatrǵa shaqyryp tegin spektakl kórsetti.

- Memleket basshysy Qasym-Jomart Toqaev el táýelsizdiginiń 30 jyldyǵyna oraı «Qaıyrymdy ister jalpyulttyq marafonyn»  usynǵan bolatyn. Biz osy joba aıasynda eki kún boıy «Syǵan serenadasy» mýzykalyq dramasyn qaıyrymdylyqspektakli retinde tegin qoıyp, pandemııaǵa qarsy kúresken qaharmandarǵa degen óz syı-qurmetimizdi bildirdik, - dedi teatr basshysy Álimhan Myrzahan.

6-naýryz kúni teatrda Tólen Ábdiktiń «QyzBátish pen Erseıit» povesiniń jelisimen qoıylǵan «О́telmegen paryz» dramasynyń tusaýy kesildi.

- Jazýshynyń bul povesi ótken ǵasyrdyń 60-shy jyldary jazylǵan.

Soǵan qaramastan kúni búginge deıin ózektiligin joǵaltpaǵan shyǵarma. Qazaq paıymynda qyzdyń abyroıy  - eldiń abyroıy. Al búgingi qoǵamda kóptegen qarakózderimizdiń ar-abyroıy taban astynda taptalyp qalyp jatatyny jasyryn emes. Osy másele kópten beri janymdy jegideı jep maza bermeı júrgen. Búlingen taǵdyrdyń obalyn arqalaǵan Bolatjannyń mezgilsiz ólimi, jalǵyz ulynan aıyrylyp ańyrap qalǵan Qojabek qarııanyń tragedııasyn ashyp kórsetetin Tólen Ábdikovtyń povesin oqyǵan soń,  bul dramany qoıa almaı tura almadym, - dedi teatrdyń kórkemdik jetekshisi Baatyrbek Myrzahan.

Eń bastysy, qoıylym kórermen kóńilinen shyqty. Rasymen de, sahnada ótip jatqan ómir kórinisteri shynaıy ári áserli. Eń artqy qatarda otyrǵan soń baıqap otyrdyq, aq jaýlyqty analardyń kóbi álsin-álsin kóz jasyn súrte berdi. Ártisterdiń beıne somdaý sheberligi de erekshe. Oqıǵalar jelisi de sonshalyqty jınaqy, úılesimdi. Qoıylym aıaqtalǵan soń kópshilik ártisterdi sahnadan jibermeı uzaq qol shapalaqtap turyp aldy.    

Premeraǵa kelgen kórermenderdiń qatarynda oblystyq mádenıet basqarmasynyń basshysy Erlan Qalmaqov ta otyrdy.

- Birinshiden, bizdiń jerlesimiz, qazirgi qazaq ádebıetiniń tórinde

otyrǵan abyzy Tólen Ábdik syndy qalamgerdiń osy bir shyǵarmasy Qostanaı teatrynda sahnalanýynyń ózi biz úshin úlken mártebe dep bilemiz. Ártisterdiń úlken jumys atqarǵanyn ózderińiz kórip otyrsyzdar. Bul qoıylymnyń tolyq nusqasy aldaǵy ýaqytta oblystyq telearna efırinen beriledi. Qoıylymnyń tusaýkeseri halyqaralyq áıelder merekesimen tustas kelip otyr. Sondyqtan osyndaǵy aq jaýlyqty analarymyzdy, apa-qaryndastarymyzdy merekelerimen quttyqtaımyn! – dedi basqarma basshysy.

Qostanaı qazaq teatry 7-8 naýryz kúnderi, halyqaralyq áıelder kúni merekesine oraı, kórermenderine Israıl Saparbaıdyń «Syǵan serenadasy» mýzykalyq dramasyn tartý etpek. Al 12-naýryzda «Kishkentaı adamnyń úlken tragedııasy» dramasynyń tusaýkeseri ótedi.

 

Qostanaı oblysy

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar