Aımaqtar • 07 Naýryz, 2021

Qostanaı oblysynyń ákimi 100 jastan asqan ájelerdi quttyqtady

74 ret kórsetildi

Halyqaralyq áıelder kúni qarsańynda Qostanaı oblysynyń ákimi Arhımed Muhambetov 100 jastan asqan 3 keıýanany quttyqtady.  

Oblys basshysy aldymen 103 jastaǵy Nına Iskakovanyń úıine bas suqty. Búginde ǵasyrǵa ápke bolyp otyrǵan Nına Stepanovna ár túrli mekemelerde jumys istep, keıin 22 jylyn aýyl sharýashylyǵyn damytýǵa arnady. Zeınetkerlikke shyqqan soń da  uzaq jyldar boıy aýla sypyrýshy bolyp jumys istedi. Tyl ardageri «Soǵys jyldaryndaǵy eren eńbegi úshin» jáne 1-dárejeli «Eńbek ardageri»  medaldarymen marapattalǵan.

Odan keıin ákim 1-qańtar kúni 101 jasqa tolǵan Nurbıke Janbosynovany quttyqtady. Soǵystan keıingi aýyr eńbek jyldary Naýyrzym aýdanynda saýynshy bolyp jumys istegen tyl ardageri mereıtoılyq medaldarmen jáne «Eńbek ardageri» medalimen marapattalǵan. Keıýana aımaq basshysyna alǵysyn aıtyp, aq batasyn berdi.

«Nına Ysqaqova men Nurbıke Janbosynova syndy ájelerimiz  balalaryn eńbekke, ata-babalarynyń salt-dástúrlerine qurmetpen qaraýǵa tárbıelegen tamasha ardaqty analar.  Olar – analyq qudiret pen danalyqtyń, tabandylyq pen otanǵa degen sheksiz súıispenshiliktiń úlgisi.
Merekelerińizben quttyqtaı otyryp, sizderge, sizderdiń týǵan - týystaryńyzǵa zor densaýlyq, jemisti eńbek jáne amandyq tileımin.
Osy tamasha mereke sizderdiń júrekterińizdi jylýlyq pen shýaqqa bólesin! Keshe Fedorov aýdanyna sapar barysynda 103 jasqa tolǵan Ganımýrýı Iýldashevany quttyqtadym. Jasy ulǵaıǵanyna qaramastan, jeti bala ósirip, ómirin temir jolda jumys isteýge arnaǵan Ganımýrýı apaı áli de qýatty, quttyqtaýymdy qýana-qýana qabyldady», dedi A.Muhambetov.

 

Qostanaı oblysy

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar