Aımaqtar • 08 Naýryz, 2021

Qostanaılyq polıseı synyptasyn atyp óltirdi

261 ret

kórsetildi

1 mın

oqý úshin

Qostanaıda 8-naýryzda tańǵy 3-te eki synyptastyń arasynda shyqqan janjal kisi ólimimen aıaqtaldy. Atalmysh qylmys týraly oblystyq Polısııa departamentiniń basshysy Beket Aımaǵambetov áleýmettik jelidegi jeke paraqshasynda jazdy.

Nurqanat QULABAEV

Qostanaılyq polıseı synyptasyn atyp óltirdi

«Búgin Qostanaıda qatardaǵy baǵdarlamashy-polıseıdiń qatysýymen aýyr qylmys jasaldy. Áleýmettik jelidegi 10-nan astam adam tirkelgen chatta eki synyptastyń arasynda týyndaǵan janjaldyń sońy adam ólimine ákep soqty. Synyptasy baǵdarlamashyǵa:

- «Seni baýyzdaýǵa bara jatyrmyz, shoqparymyz, tapanshamyz bar.

Daıyn bol, 30 adam jınasań da, az bolady».

- «Baýyrym, sen osy toptyń kózinshe aryz jazbaımyn dep ýáde ber.

Jekpe-jekte men seni óltiremin, baýyzdaı salamyn».

- «Bárin jigitshe, eshkimge aıtpaı iste», «men seni óltiremin» - degen jazbalardy jiberý arqyly qoqan-loqy kórsetken.

Janjaldyń shyǵý sebebin tergeý anyqtap jatyr.

Buryn sottalǵan synyptasy 8 naýryz kúni túngi saǵat 3-te mas kúıinde kólikke minip tanystarymen birge polısııa qyzmetkeri turatyn mekenjaıǵa keledi. Úıinen óz atyna tirkelgen qyzmettik qarýyn birge ala shyqqan polıseı ózine qaraı umtylǵan synyptasyn kóredi. Jaǵdaıdy durys baǵalaı almaǵan qyzmetker óz atyna aıtylǵan qoqan-loqyny estip, tapansha shúrippesin basyp qalǵan. Jábirlenýshi sol jerde jan tapsyrdy.

Qazir polısııa qyzmetkeri qamaýǵa alyndy. Qylmystyq kodekstiń 99-babynda kózdelgen kisi óltirý qylmysy boıynsha sotqa deıingi tergeý, sondaı-aq qyzmettik tergeý bastaldy. Tergeý sharalaryn jeke baqylaýyma aldym» dep jazdy PD bastyǵy.