«2021 jylǵy 9 naýryzdaǵy jaǵdaı boıynsha «Qazgıdromet» RMK derekteri boıynsha 8 óńirde (Aqmola, Aqtóbe, BQO, Qaraǵandy, Qostanaı, Qyzylorda, SQO jáne Mańǵystaý) daýyldy eskertý jarııalandy. TJM ahýaldyq ortalyǵynda Respýblıkalyq jedel shtab jumys isteıdi. Osyndaı shtabtar Aqmola, Pavlodar, Qaraǵandy, Qostanaı, SQO, ShQO jumys isteıdi», delingen QR TJM baspasóz qyzmeti taratqan málimette.
Qazirgi ýaqytta aýa raıynyń nasharlaýyna baılanysty (boran, qar, nashar kóriný, kóktaıǵaq) 7 óńirde respýblıkalyq mańyzy bar avtojoldardyń 8 ýchaskesi jáne 60 oblystyq mańyzy bar ýchaske jabyldy, bul Aqmola, Aqtóbe, Soltústik Qazaqstan, Qostanaı, Batys Qazaqstan oblystary.
Shuǵyl jumystarǵa TJM, IIM, jol qyzmetterinen, JAO barlyǵy 842 adam jáne 513 birlik tehnıka jumyldyryldy. Halyqty eskertý maqsatynda aýa raıynyń nasharlaýy týraly 27 SMS-habarlamany taratyldy, «Dármen» mobıldik qosymshasy arqyly 47 habarlama jiberildi.
