«2021 jyldyń qańtarymen salystyrǵanda aqpan aıynda abattandyrylǵan turǵyn úılerdi alyp satý baǵalary 3,1%-ǵa, jańa turǵyn úılerdi satý baǵalary 1,2%-ǵa ósti. Abattandyrylǵan turǵyn úıdi jalǵa alý tólemi 1,6%-ǵa joǵarylady. 2021 jyldyń aqpanynda jańa turǵyn úılerdi satý baǵalary ótken jyldyń osy aıyna qaraǵanda 8%-ǵa ósken. Abattandyrylǵan turǵyn úılerdi satyp alý baǵalary 20,3%-ǵa kóterilse, abattandyrylǵan turǵyn úıdi jalǵa alý tólemi 10,7%-ǵa artqan», delingen habarlamada.
Bıýro málimetine sáıkes, 2020 jyldyń jeltoqsanymen salystyrǵanda jańa turǵyn úılerdi satý baǵasy 2021 jyldyń aqpanynda 4,2%-ǵa ósken. Abattandyrylǵan turǵyn úılerdi alyp satý baǵasy 2020 jyly 13,2%-ǵa ósse, bıylǵy jyldyń aqpanynda 8,2%-ǵa kóterilgen. Al abattandyrylǵan turǵyn úıdi jalǵa alý tólemi ótken jylmen salystyrǵanda 4,4%-ǵa ósken.
