Esterińizge sala keteıik, qazirgi ýaqytta «Asyq» mobıldik qosymshasyn 27 almatylyq kásipker synaqtan ótkizip jatyr. Olardyń ishinde 10 kafe men meıramhana ıeleri, 15 fıtnes-ortalyǵy, SPA jáne basseın ókilderi bar. Tórt boýlıng ortalyǵy jáne 33 kompıýterlik klýbtyń basshylary noý-haýǵa qosylǵysy keltindikterin aıtty. Sádýaqas Baıǵabulov qosymshanyń eldegi epıdemııalyq jaǵdaıdy baqylaý maqsatynda ázirlengenin habarlady. Onyń kómegimen qoǵamdyq oryndarǵa kirý kezinde kelýshiniń statýsyn anyqtalatyn bolady.
Qosymsha jumysynyń máni – pılottyq jobaǵa qatysýǵa sheshim qabyldaǵan árbir kásipkerlik sýbektisine jeke QR-kod beriledi. Kelýshiler qosymshany júktep alady jáne QR-kodty skanerlegen kezde úı-jaıǵa kire beriste olardyń statýsy ınfeksııanyń tasymaldaýshysy retindegi qaýiptilik deńgeıi boıynsha anyqtalady.
– «Ashyq» qosymshasy «Atameken» kásipkerler palatasynyń qoldaýymen Qazaqstannyń bıznes-qoǵamdastyǵynyń bastamasy bızneske kómektesý jáne sanıtarııalyq normalardy buzbaý úshin qurylǵan, – dedi Sádýaqas Baıǵabulov.
Sanıtarlyq dárigerdiń aıtýynsha, bul mobıldi qosymshamen kelýshilerdiń juqtyrý qaýpi az bolady.
