– Bizde bar málimetter boıynsha, pandemııa kezeńinde Qostanaı oblysynda 1522 shart boıynsha jergilikti atqarýshy organdar men kvazısektor alańdaryn jaldap otyrǵan 1087 bıznes nysany jalǵa alý aqysyn tóleýdi toqtatty. Sonymen qatar, karantın kezeńinde bıznesti qoldaý maqsatynda júrgizilgen jumystardyń nátıjesinde birqatar kásipkerlerdiń jalǵa alyp otyrǵan ǵımarat aqysyn tóleý merzimi shegerilse, endi bireýleriniki qaıta eseptelip, arenda aqysy 50%-ǵa deıin tómendetildi. Oblys boıynsha mundaı jeńildikke 3 500-den astam kásipker ıe bolyp otyr, – dedi oblystyq kásipkerler palatasynyń dırektory Murat Ábenov.
Esterińizge sala ketsek, ótken jyly Qazaqstanda pandemııadan zardap shekken shaǵyn jáne orta bıznes nysandary memleket pen kvazımemlekettik sektordyń múlkin jaldaý aqysynan bosatylǵan edi. Memleketik komıssııa bıyl 5 naýryzda kásipkerlerdi qoldaý jónindegi shuǵyl paketti maquldap, kásipkerlerdi jaldaý aqysynan bosatýdy 2021 jyldyń 1 shildesine deıin uzartyp otyr.
