– Biz Qaýipsizdik Keńesiniń otyrysyn ótkizip, onda mańyzdy máselelerdi talqyladyq. Tıisti Strategııany bekittik, sonyń aıasynda jumys atqarý qajet. Qaýipsizdik Keńesiniń Apparaty onda aıqyndalǵan mindetterdiń júzege asyrylý barysyn qadaǵalaýǵa tıis, – dedi Elbasy.
Sondaı-aq Nursultan Nazarbaev otandyq áskerı-ónerkásiptik keshendi damytý máselesine erekshe nazar aýdardy.
Áset Isekeshev 2021-2025 jyldarǵa arnalǵan Ulttyq qaýipsizdik strategııasyn júzege asyrý jónindegi sharalar josparyn daıyndaý barysy týraly baıandady. Sonymen birge Apparattyń azamattardyń qaýipsizdigine tóngen qaýip-qaterlerdi anyqtaý, aldyn alý men beıtaraptandyrýdyń júıeli sharalaryn ázirleýge baǵyttalaǵan jumysy jaıly aıtyp berdi.
