Otyrys barysynda monıtorıngtik toptardyń jumysy talqylanyyp, oblystyq bilim basqarmasy basshysynyń, Jitiqara jáne Qarasý aýdandary ákimderiniń esebi tyńdaldy. Bul týraly oblys ákimi Arhımed Muhambetov áleýmettik jelidegi jeke paraqshasynda jazdy.
Aımaq basshysynyń málimetinshe, monıtorıngtik toptar 2021 jylǵy 1 qańtar men 6 naýryz aralyǵynda 3 855 reıdtik is-shara ótkizip, nátıjesinde shekteý talaptaryn buzǵan 323 nysandy anyqtaǵan.
«Búgin KVI taralýyna jol bermeý boıynsha jedel shtabtyń kezekti otyrysyn ótkizdim. Jedel shtab buǵan deıin engizilgen barlyq usynystardy qarap shyǵyp, 2021 jylǵy 10 naýryzdan bastap mynadaı jeńildikterdi engizý týraly sheshim qabyldady:
sanıtarlyq talaptardy saqtaı otyryp, 1-5 synyp oqýshylaryn oqytýdyń aralas formatyna kóshirý;
SOO, saýda jelileri, sýpermarketter, gıpermarketterge ýaqyt shekteýsiz jáne aptanyń barlyq kúnderi jumys isteýge ruqsat etý. Biraq bul nysandardaǵy oıyn-saýyq alańdary jabyq kúıinde qalady;
azyq-túlik jáne basqa da taýarlar satatyn jabyq bazarlardyń jumys isteýine aptanyń barlyq kúnderi shekteýsiz ruqsat etý;
monshalarǵa aptanyń barlyq kúnderi ýaqyt shekteýsiz jumys isteýge ruqsat berý.
2021 jylǵy 13 naýryzdan bastap sporttyq is-sharalar ótkizýge ruqsat etý. Alaıda mundaı sharalarǵa kórermenderdiń 20 paıyzy ǵana jiberilýi kerek. Qurmetti qostanaılyqtar, KVI taralýyna jol bermeý úshin barlyq sanıtarlyq-epıdemıııalyq normalardy saqtaýdy suraımyn», dep jazdy oblys ákimi.
