Bul týraly О́zbekstannyń Ulttyq Olımpıada komıteti habarlady.
Jaqynda Tashkentte Tekbol halyqaralyq federasııasy jáne Ulttyq Olımpıada komıteti arasynda yntymaqtastyq týraly memorandýmǵa qol qoıyldy. Qujatqa sáıkes, halyqaralyq uıym jaqyn arada О́zbekstanǵa on myń birlik mólsherinde múkámmal beredi, al halyqqa bilim berý mınıstrligi men UOK osy sport túrin elde tanymal etý maqsatynda yntymaqtaspaq.
«Is-shara bastalardan buryn tekboldyń óte qyzyqty sport túri ekenine taǵy bir kóz jetkizdim. Bul jańa sport túri barlyq oqýshynyń súıikti oıynyna aınalady dep senemin. Onyń kómegimen biz birden bes-alty sport túrin biriktire alamyz. Al bul oqýshylar arasynda salaýatty ómir saltyn nasıhattaý jáne olardyń bos ýaqytyn uıymdastyrý prosesinde óte mańyzdy», dedi О́zbekstan Respýblıkasynyń Halyqqa bilim berý mınıstri Sherzod Shermatov.
«Biz Tekbol federasııasyna О́zbekstanda osy sport túrin tanymal etýge bastama alǵany úshin alǵys aıtamyz. Bul sport álemde óte jyldam damyp keledi. Tekbol О́zbekstan Prezıdenti usynǵan salaýatty ómir saltyn nasıhattaý úshin óte qolaıly. Bul sport túri bolashaqta Azııa jáne Olımpıada oıyndarynyń baǵdarlamasyna enýi múmkin», dep atap ótti UOK bas hatshysy Oıbek Qasymov.
Tekbol – ústel tennısin eske túsiretin jańa sport túri, onda qısyq ústel men fýtbol dobyna uqsas dop qoldanylady. Dopty qoldan basqa deneniń kez kelgen bóligimen urýǵa bolady. Tekboldy 2014 jyly Vengrııada eki fýtbol áýesqoıy oılap tapty: burynǵy kásibı fýtbolshy Gabor Borshanı jáne baǵdarlamashy Vıktor Hýsar.
