Qazaqstandyq dárigerler, eriktiler, zańgerler, quqyq qorǵaýshylar men belsendiler týraly fotosýretter men beıneler galereıasyn kórsetetin kórme osydan keıin «Mega» saýda oıyn-saýyq ortalyǵy men metropolıtende jalǵaspaq.
Kórme materıaldary áıelderdiń pandemııa kezinde basqalarǵa kórsetken rııasyz kómegin kórsetedi. Joba ıdeıasynyń avtory aktrısa, belsendi jáne «Bópe» otbasy men neke ınstıtýtyn modernızasııalaý qorynyń negizin qalaýshy Aınur Ilııasova. Jobanyń shyǵarmashylyq tobyna fotograf Baýyrdjan Bısmıldın, vıdeograf jáne rejısser Vanıa Abramov pen jýrnalıst Oksana Vasılenko kirdi.
«Halyqaralyq áıelder kúni – bul búkil álemdegi áıelderdiń kúsh-jigerin atap ótý múmkindigi. Olar pandemııamen kúreske jumyldyrylǵan jumysshylardyń kópshiligin quraıdy. Dárigerler men zańgerlerden bastap eriktiler men mańyzdy salalarda qyzmet atqaratyn qatysýshylardan turatyn bul fotokórme álemdik daǵdarys jaǵdaıyna qaramastan batyldyq, tózimdilik pen janqııarlyq týraly áńgimelerimen tanysýǵa bolady. Pandemııa adamzat balasyna bárimiz birigip jumys atqarǵanda ǵana kóp nársege qol jetkizetinimizdi kórsetti. Osy kúni basshylyq laýazymdarda qyzmet atqarmaıtyn áıelderde, múmkindik jasalynǵan jaǵdaıda qoǵamnyń barlyq deńgeılerinde ózgeris engize alatyndyǵyn eske salaıyq», deıdi IýNFPA-nyń Qazaqstandaǵy ókili jáne Qyrǵyzstan men Túrikmenstan úshin eldik dırektory Djýlııa Valeze.
«Bıylǵy Halyqaralyq áıelder kúni áıelderdiń teń quqyly qatysýynyń qýatyn kórsetedi. COVID-19 qarsy kúreste bizge durys sheshimderdi qabyldaý úshin áıelderdiń róli mańyzdy. Bizge áıelder ınfeksııanyń qaıta órshýi, jumys kúshiniń jetispeýshiligi, tipti áleýmettik tolqýdyń ekinshi ret jandanýy sııaqty eń aýyr ssenarıılerdiń aldyn alý úshin qajet. Bizge indetpen kúresý úshin áıelder kerek. Bizge aldyńǵy sheptegi áıelder kerek», deıdi Qazaqstandaǵy BUU Turaqty úılestirýshisi Mıkaela Frıberg-Storı.
«Men naýryz aıynan beri «qyzyl aımaqta» jumys istedim. Olar maǵan batyr ekenimdi aıtqanda tań qalamyn. Iá, bizdiń aramyzda qorqyp, ketip qalǵandar boldy, biraq men ketip qalsam dárigerdiń aq halatyna satqyndyǵym bolyp esepteletinin sezindim, sebebi kómekke muqtaj adamdardy taǵdyrdyń raqymyna qaldyrýdy jón kórmedim», dedi ınfeksıonıst-dáriger jáne vırýsolog Qarlyǵash Abdıeva.
Shilde aıynan bastap ol COVID-19 testileý dıagnostıka bóliminde jumys isteıdi.
Búkil álemde pandemııa jarııalanyp, karantın bastala salysymen, belgili psıholog jáne Qazaqstandaǵy tranzaksııalyq taldaýdy damytý uıymynyń prezıdenti Záýresh Sapabekova adamdarǵa kómek qajet bolatynyn túsingen, sondyqtan áriptesterine «Koronavırýstyq pandemııa kezindegi Qazaqstan halqyna qoldaý» dep atalatyn jobany oılap tabady.
«Biz adamdar úılerinde jabylǵan kezde, otbasylyq zorlyq-zombylyq eki esege ósedi dep kúdiktendik. Solaı boldy. Sebebi bizdiń áıelder beıimdelgish, táýeldi jaǵdaıda ómir súrýge daǵdylanǵan. Eger ol úsh balany dúnıege ákelse, 10-15 jyl úıde otyrsa, onda onyń mamandyǵy, jumysy joq ekeni anyq. Al er adam, áıeliniń eshqaıda ketpeıtinin eskerip, tynysh otyratynyn biledi jáne balalardy uryp-soǵyp, mazaqtap, fızıkalyq turde jazalaıtyndary taǵy bar. Oǵan eshteńe bolmaıdy, áıeli balalarymen eshqaıda ketpeıdi, óıtkeni baratyn jeri joq», dedi Záýresh Sapabekova.
«Biz tek 15 sıýjetti usynǵanymyzǵa qaramastan, biz keremet kúsh pen batyldyq kórsetken áıelder sanynyń sheksiz bolýy múmkin ekenin túsinemiz. Osy oqıǵalardyń kópshiligi bizdiń júregimizdi eljiretkeni ras. Men úshin eń basty qorytyndy - kórme meıirimdilikti kózdeıdi. Ár fotosýrettiń artynda tarıh jatyr, olardyń indetten qutqarý jolynda jasalyp jatqan jumystary taǵy bar», deıdi jobanyń negizin qalaýshy Aınur Ilııasova.
